ကနီမြို့နယ်တွင် စစ်ကြောင်းထိုးနေသော စစ်ကောင်စီတပ်က ပြည်သူခုနစ်ဦးကို လူသားဒိုင်းအဖြစ်အသုံးပြုပြီး လေးဦးကို သတ်ဖြတ်ထားခဲ့ကြောင်း KLG-PDF (ကျောက်လုံးကြီး)ထံမှ သတင်းရရှိသည်။
လူသားဒိုင်းအဖြစ် ဖမ်းဆီးခေါ်ဆောင်ခြင်း ခံရသူခုနစ်ဦးအနက် ကိုအဲဖြိုး(အသက်စုံစမ်းစဲ)၊ ဦးခင်မောင်တင့် (၃၉)နှစ်၊ ဦးဇော် (၄၅)၊ ကိုပု (၂၅)နှစ်တို့၏ ရုပ်အလောင်းများကို ယနေ့(ဇွန် ၄)တွင် တဇယ်ချောင်ကျေးရွာအနီးတွင် ရှာဖွေတွေ့ရှိခဲ့သည်။
![(မုဋ္ဌောရွာတွင် စစ်ကောင်စီတပ် ဝင်ရောက်သောင်းကျန်းပြီး နေအိမ် ၁၃ လုံးကို မီးရှို့ဖျက်ဆီးပြီးနောက် တွေ့ရစဥ်)](https://i0.wp.com/www.ludunwayoo.com/wp-content/uploads/2022/06/285092558_395543049301820_2395816209557378839_n.jpg?resize=880%2C660&ssl=1)
သေဆုံးသွားသူများမှာ လက်နောက်ပြန်ကြိုးတုပ်သည့်ပုံစံဖြင့် ပစ်သတ်ခံထားရခြင်းဖြစ်ပြီး ရုပ်အလောင်းများမှာ ပုပ်ပွနေပြီဖြစ်ကြောင်း KLG-PDF(ကျောက်လုံးကြီး)မှ ရဲဘော်တစ်ဦးက ပြောသည်။
“လောလောဆယ် လေးဦးရဲ့ ရုပ်အလောင်းတွေပဲ ရှာတွေ့သေးတယ်။ ကျန်တဲ့သုံးဦးကို ဘယ် ကိုဖမ်းခေါ်သွားတယ်ဆိုတာ စုံစမ်းလို့မရသေးဘူး။ အဖမ်းခံရတဲ့သူအားလုံးက အမျိုးသားတွေကြီးပဲ”ဟု ၎င်းက ဆက်ပြောသည်။
![(မုဋ္ဌောရွာတွင် စစ်ကောင်စီတပ် ဝင်ရောက်သောင်းကျန်းပြီး နေအိမ် ၁၃ လုံးကို မီးရှို့ဖျက်ဆီးပြီးနောက် တွေ့ရစဥ်)](https://i0.wp.com/www.ludunwayoo.com/wp-content/uploads/2022/06/285248805_395543095968482_6194386408708023703_n.jpg?resize=880%2C660&ssl=1)
![(မုဋ္ဌောရွာတွင် စစ်ကောင်စီတပ် ဝင်ရောက်သောင်းကျန်းပြီး နေအိမ် ၁၃ လုံးကို မီးရှို့ဖျက်ဆီးပြီးနောက် တွေ့ရစဥ်)](https://i0.wp.com/www.ludunwayoo.com/wp-content/uploads/2022/06/285062157_395543125968479_8010886344639953251_n.jpg?resize=880%2C660&ssl=1)
ယနေ့နံနက်ပိုင်းတွင်လည်း အကြမ်းဖက်စစ်ကောင်စီတပ်စစ်ကြောင်းတစ်ကြောင်းနှင့် ဒေသကာကွယ်ရေးပူးပေါင်းတပ်များကြား ချင်း တွင်းမြစ်အနောက်ဘက်ရှိ မုဋ္ဌောရွာအနီးတွင် ထိတွေ့တိုက်ပွဲဖြစ်ပွားလျက်ရှိသည်။
အကြမ်းဖက်စစ်ကောင်စီတပ်များမှာ ယမန်နေ့(ဇွန် ၃)ကတည်းက မုဋ္ဌောရွာတွင် ဝင်ရောက်သောင်းကျန်းပြီး နေအိမ် ၁၃ လုံးကို မီးရှို့ဖျက်ဆီးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)