ကရင်နီ(ကယား)ပြည်နယ်၊ လွိုင်လင်းလေးမြို့၌မူးယစ်ဆေးဝါးသုံးစွဲရောင်းဝယ်နေသူများကို ဖမ်းဆီးခဲ့ကြောင်း ကရင်နီအမျိုးသားများကာကွယ်ရေးတပ် (KNDF)တပ်ရင်း – ၁၄က ယနေ့(ဇွန် ၇ ရက်) ထုတ် ပြန်သည်။
ဖြစ်စဥ်မှာ ယမန်နေ့က ပိန်းချစ်ကျေးရွာတွင် မူးယစ်ဆေးဝါးသုံးစွဲ၊ ရောင်းဝယ်ဖောက်ကာနေသည်ဟု သတင်းရရှိသဖြင့် KNDF တပ်ရင်း – ၁၄နှင့် ကရင်နီပြည်ရဲဌာန(KSP)ပူးပေါင်းအဖွဲ့မှ ဝင်ရောက်ဖမ်းဆီးခဲ့ရာ ကျေးရွာနေ မောင်ခူရီအပါအဝင် ငါးဦးကို WYဆေးပြား ၃၂၄ ပြား ၊ ငွေစက္ကူ နှင့် ဖုန်းသုံးလုံးအပါအဝင် အခြားသော သက်သေခံပစ္စည်းများနှင့် အတူ ဖမ်းဆီးရမိခဲ့သည်ဟု ဆိုသည်။
![လွိုင်လင်းလေးမြို့၌ မူးယစ်ဆေးဝါးသုံးစွဲရောင်းဝယ်နေသူများ](https://i0.wp.com/www.ludunwayoo.com/wp-content/uploads/2022/06/286387268_397501469105978_8953315953453165594_n.jpg?resize=880%2C587&ssl=1)
ဖမ်းဆီးရမိသူများနှင့် သက်သေခံပစ္စည်းများကိုကရင်နီပြည်ရဲဌာန KSPထံသို့ အပ်နှံခဲ့ကြောင်းလည်း KNDFက အသိပေးသည်။
ကရင်နီပြည်နယ်အတွင်း မူးယစ်ဆေးဝါးကို သုံးစွဲခြင်း၊ရောင်းဝယ်ခြင်းသည် ကြီးလေးသည့် ပြစ်ဒဏ်အဖြစ် ပြည်သူ့ကာကွယ်ရေးတပ်ဖွဲ့များက သတ်မှတ်ထားသည်။
![လွိုင်လင်းလေးမြို့၌ မူးယစ်ဆေးဝါးသုံးစွဲရောင်းဝယ်နေသူများ](https://i0.wp.com/www.ludunwayoo.com/wp-content/uploads/2022/06/285531343_397501515772640_1926453405499709087_n.jpg?resize=880%2C587&ssl=1)
ထို့ကြောင့် လစဥ်မူးယစ်ဆေးဝါးသုံးစွဲသူများကို KNDF အပါအဝင် သက်ဆိုင်ရာမြို့နယ်အလိုက် ပြည်သူ့ကာ ကွယ်ရေးတပ်ဖွဲ့များက ဖမ်းဆီးရမိနေသည်။
![လွိုင်လင်းလေးမြို့၌ မူးယစ်ဆေးဝါးသုံးစွဲရောင်းဝယ်နေသူများ](https://i0.wp.com/www.ludunwayoo.com/wp-content/uploads/2022/06/285500401_397501605772631_781117565134367443_n.jpg?resize=880%2C587&ssl=1)
လက်ရှိတွင်လည်း မူးယစ်ဆေးဝါးရောင်းဝယ် သုံးစွဲနေသူများအပါအဝင် စစ်ကောင်စီဘက်တော်သား စစ်သား၊ရဲ ၊ ဒလန် နှင့် စစ်သုံ့ပန်း၊သူခိုးနှင့် ဆူပူသောင်း ကျန်းနေသူ ၈၀ကျော်ကို ဖမ်းဆီးထိန်းသိမ်းထားကြောင်း ကရင်နီပြည်ရဲဌာန KSPက ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)