မလေးရှားနိုင်ငံခြားရေးဝန်ကြီးသည် မြန်မာနိုင်ငံဆိုင်ရာလူ့အခွင့်အရေးအခြေအနေ ကုလသမဂ္ဂ အထူးအစီရင်ခံစာတင်သွင်းသူကို ယနေ့လက်ခံတွေ့ဆုံခဲ့ပြီး နီးကပ်စွာပူးပေါင်းလုပ်ဆောင်ရန် ဆွေးနွေးခဲ့သည်။
ယနေ့အစောပိုင်းတွေ့ဆုံခဲ့မှုတွင် မြန်မာနိုင်ငံ၏နောက်ဆုံးဖြစ်ပေါ်နေသည့်အခြေအနေများကို အမြင်ချင်းဖလှယ်ဆွေးနွေးခဲ့ပြီး သက်ဆိုင်ရာပါဝင်ပတ်သက်သူများနှင့် ထိတွေ့ဆက်ဆံမှု တိုးမြှင့်ရေး နီးစပ်စွာအလုပ်လုပ်ရန် သဘောတူခဲ့ကြောင်း မလေးရှားနိုင်ငံခြားရေးဝန်ကြီး Saifuddin Abdullah က ထုတ်ပြန်သည်။
ကုလသမဂ္ဂလူ့အခွင့်အရေးကောင်စီ၏ အထူးအစီရင်ခံစာတင်သွင်းသူ Tom Andrews သည် မြန်မာစစ်တပ်၏လူ့အခွင့်အရေးချိုးဖောက်မှုများနှင့်ပတ်သက်၍ အစီရင်ခံစာရေးသားရန် မလေးရှားသို့ ရောက်ရှိနေခြင်းဖြစ်သည်။
အထူးအစီရင်ခံစာတင်သွင်းသူ Tom Andrewsသည်မကြာသေးမီကလူ့အခွင့်အရေးကောင်စီသို့ တင်သွင်းသော အစီရင်ခံစာ၌ စစ်အာဏာသိမ်းမှုနောက်ပိုင်းစစ်တပ်၏ရက်စက်ကြမ်းကြုတ်မှုများကြောင့်မြန်မာနိုင်ငံရှိလူငယ်များသည်မျိုးဆက်ပျောက်ဆုံးမည့် အခြေအနေနှင့်ရင် ဆိုင်နေရပြီး ကမ္ဘာ့နိုင်ငံများသည် မြန်မာနိုင်ငံ၏ ကျယ်ပြန့်လာသော နိုင်ငံရေး၊ စီးပွားရေး၊ လူ သားချင်းစာနာမှုအကြပ်အတည်းများကို ချက်ချင်းညီညွတ်စွာဖြေရှင်းဆောင်ရွက်ရန် လိုအပ်ကြောင်း တိုက်တွန်းထားသည်။
