မုံရွာ – မန္တလေးလမ်းပိုင်းတစ်နေရာတွင် PDF ပူးပေါင်းအဖွဲ့မှ ခရီးသွားယာဥ်များအားစစ် ဆေးမှုပြုလုပ်ခဲ့ရာ ပြည်သူများမှ ကြည်ဖြူစွာစစ်ဆေးခံခဲ့ကြောင်း ဗမာ့ဇာမဏီအဖွဲ့(BPO)က ယနေ့(ဇွန် ၂၇) ထုတ်ပြန်သည်။
BPO/BPF ရဲဘော်များနှင့် ဒေသခံ LPDF အဖွဲ့များပူးပေါင်းပြီး မုံရွာ – မန္တလေးလမ်းမပေါ်ရှိ ကားများကိုတားဆီး၍ စစ်ကောင်စီထုတ်ကုန်များ သယ်ဆောင်မှုရှိမရှိ ၊ တပ်တွင်းသို့ ပို့မည့်ရိက္ခာများ ဟုတ်၊မဟုတ် စသည်တို့ကို စစ်ဆေးခဲ့သည်ဟု ဖော်ပြသည်။
![ဓာတ်ပုံ - ဗမာ့ဇာမဏီအဖွဲ့(BPO)](https://i0.wp.com/www.ludunwayoo.com/wp-content/uploads/2022/06/290972197_411266547729470_7139732446567028738_n.jpg?resize=720%2C1014&ssl=1)
ထို့အပြင် ပြည်သူများအနေဖြင့် စစ်ကောင်စီနှင့် အတတ်နိုင်ဆုံး မပတ်သက်ရန် မေတ္တာရပ်ခံခဲ့ပြီး ပြည်သူများအားတော်လှန်ရေးအတွက် သွေးအေးမသွားကြရန်လည်း လှုံ့ဆော်ခဲ့သည်ဟု ဆိုသည်။
“ပြည်သူတွေ ပူးပေါင်းပါဝင်မှ ပြီးဆုံးမယ့် တိုက်ပွဲမို့ရတဲ့နေရာက ဝိုင်းဝန်းပါဝင်ကူညီကြပါလို့ပြောလိုပါတယ်။ ပြီးတော့ တော်လှန်ရေး ရဲဘော်တွေရဲ့အားဟာ ပြည်သူကိုအဓိက ထားရတာပါ”ဟု BPO/PDF မှ ရဲဘော်တစ်ဦးက ပြောသည်။
![ဓာတ်ပုံ - ဗမာ့ဇာမဏီအဖွဲ့(BPO)](https://i0.wp.com/www.ludunwayoo.com/wp-content/uploads/2022/06/290654129_411266577729467_1847873403552829363_n.jpg?resize=720%2C1009&ssl=1)
![ဓာတ်ပုံ - ဗမာ့ဇာမဏီအဖွဲ့(BPO)](https://i0.wp.com/www.ludunwayoo.com/wp-content/uploads/2022/06/290558734_411266611062797_406308344519448555_n.jpg?resize=720%2C1086&ssl=1)
အထက်ပါ ယာဥ်များအားစစ်ဆေးသည့်လှုပ်ရှားမှုကို စစ်ကိုင်းတိုင်းအတွင်းရှိ မုံရွာ – မန္တလေးလမ်းပိုင်းတစ်နေရာတွင် လုပ်ဆောင်ခဲ့ခြင်းဖြစ်ပြီး ခရီးသွားပြည်သူများမှလည်း ကြည်ဖြူစွာစစ်ဆေးခံသည့်အပြင် တာဝန်ကျရဲဘော်များအား မုန့်နှင့် ရေသန့်များပါတိုက်ကျွေးသွားကြသည်ဟု ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)