မိုးဗြဲမြို့တွင် စစ်ကြောင်းထိုးလာသည့် စစ်ကောင်စီတပ်နှင့်တိုက်ပွဲဖြစ်ပွားနေပြီး စစ်ကောင် စီတပ်၏ လက်နက်ကြီးပစ်ကူများကြောင့် ဒေသခံပြည်သူများ၏ နေအိမ်အချို့မီးလောင်နေကြောင်း ဒေသခံသတင်းရင်းမြစ်များက People’s Springသို့ ပြောသည်။
ယနေ့(ဇူလိုင် ၁၈ ရက်)နံနက် ၂နာရီကတည်းက မိုးဗြဲမြို့၊ မားသားဝေါလ်အနီး၊ ကားရေဆေးစင်နှင့် ဘုရားကျောင်းတစ်နေရာတွင် အကြမ်းဖက်စစ်ကောင်စီ တပ်က လှုပ်ရှားမှုရှိနေသည်ဟု မိုးဗြဲ PDF က ဆိုသည်။
![(မိုးဗြဲမြို့ရှိ ပြည်သူနေအိမ်အချို့ ယနေ့ နံနက်ပိုင်းက မီးလောင်နေသည်ကို တွေ့ရစဥ်၊ဓာတ်ပုံ - KGY)](https://i0.wp.com/www.ludunwayoo.com/wp-content/uploads/2022/07/294443631_425702092952582_5790507251215146406_n.jpg?resize=880%2C663&ssl=1)
“မနက် ၅ နာရီလောက်ကတည်းက နှစ်ဖက်ထိတွေ့မှုက ဖြစ်နေတာ။ကျန်တဲ့ တိကျတဲ့သတင်း အချက်အလက်ကိုတော့ လက်ရှိ အခြေအနေအရ ပြောဖို့ခက်တယ်”ဟု Mobye Rescue Team တာဝန်ရှိသူက People’s Springသို့ ရှင်းပြသည်။
နံနက် ၇နာရီခွဲအထိ အကြမ်းဖက်စစ်ကောင်စီ၏ လက်နက်ကြီးပစ်ကူများ ကြောင့် နေအိမ်တချို့လက်နက်ကြီး ထိမှန်မီးလောင်ပျက်စီးနေသည်ဟု ၎င်းက အသိပေးသည်။
![(မိုးဗြဲမြို့ရှိ ပြည်သူနေအိမ်အချို့ ယနေ့ နံနက်ပိုင်းက မီးလောင်နေသည်ကို တွေ့ရစဥ်၊ဓာတ်ပုံ - KGY)](https://i0.wp.com/www.ludunwayoo.com/wp-content/uploads/2022/07/293811951_425702019619256_7529844413170094729_n.png?resize=720%2C960&ssl=1)
ထို့ကြောင့် မြို့အတွင်းရှိသော ပြည်သူလူထုများအနေဖြင့် အတတ်နိုင်ဆုံး ရှောင်နေပေးရန်နှင့် မြို့တွင်းသွားလာခြင်းများမပြုလုပ်ကြရန်လည်း သတိပေးသည်။
ထို့အပြင် ယနေ့(ဇူလိုင် ၁၈ ရက်) နံနက်ပိုင်းတွင် မိုးဗြဲ မြို့နှင့်ကပ်လျက် ရှိနေသည့် ဖယ်ခုံမြို့တွင်ပါ တိုက်ပွဲ ပြင်းထန်သည်ကို ကြားသိရကြောင်း ကရင်နီစစ်ရေးသတင်းရင်းမြစ်က အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)