ရှမ်းပြည်နယ်တောင်ပိုင်း ဖယ်ခုံမြို့နယ် မိုးဗြဲမြို့အတွင်း စစ်ကြောင်းထိုးလာ သည့် စစ်ကောင်စီ တပ်များအား တိုက်ခိုက်ခဲ့ရာ စစ်ကောင်စီတပ်ဖွဲ့ဝင်များ သေဆုံးထိခိုက်မှုရှိကြောင်း အလယ်ပိုင်း တိုင်း အထူးစစ်ဆင်ရေးအဖွဲ့က သတင်းထုတ်ပြန်သည်။
မိုးဗြဲအခြေစိုက် ခမရ (၄၂၂)တပ်ရင်းမှ စစ်ကောင်စီတပ်များသည် ဇူလိုင် ၁၈ရက်က မိုးဗြဲမြို့အတွင်း စစ်ကြောင်းထိုးဝင်ရောက်လာသည့်အပေါ် အလယ်ပိုင်းတိုင်းအထူးစစ်ဆင်းရေးအဖွဲ့ ၊ Mobye PDF ၊ Pekhon PDF ၊ Loikaw PDF KNDF နှင့် URF တို့ပူးပေါင်း တိုက်ခိုက်ခဲ့သည်ဟု ဆိုသည်။
![(အလယ်ပိုင်းတိုင်းအထူးစစ်ဆင်းရေးအဖွဲ့ပူးပေါင်းအဖွဲ့မှ ရဲဘော်များအား ရှေ့တန်းတစ်နေရာ၌ တွေ့ရစဥ်၊ ဓာတ်ပုံ - အလယ်ပိုင်းတိုင်း အထူးစစ်ဆင်ရေးအဖွဲ့)](https://i0.wp.com/www.ludunwayoo.com/wp-content/uploads/2022/07/294259869_426568562865935_5900663488594697122_n.jpg?resize=880%2C638&ssl=1)
အဆိုပါတိုက်ပွဲ၌ အလယ်ပိုင်းတိုင်းအထူးစစ်ဆင်းရေး စနိုက်ပါအဖွဲ့မှ ပစ်ခတ် တိုက်ခိုက်ရာ ရန်သူတစ်ဦး ပခုံးထိမှန်ဒဏ်ရာရပြီး လည်ပင်းထိမှန်သေဆုံးသူ တစ်ဦးရှိကြောင်း၊ ထို့ပြင် သစ်ပင်ပေါ် နေရာယူထားသည့် ရန်သူ့ စနိုက်ပါ တပ်သားတစ်သီးကိုလည်း ပစ်ချနိုင်ခဲ့ကြောင်း ဖော်ပြထားသည်။
![(အလယ်ပိုင်းတိုင်းအထူးစစ်ဆင်းရေးအဖွဲ့ပူးပေါင်းအဖွဲ့မှ ရဲဘော်များအား ရှေ့တန်းတစ်နေရာ၌ တွေ့ရစဥ်၊ ဓာတ်ပုံ - အလယ်ပိုင်းတိုင်း အထူးစစ်ဆင်ရေးအဖွဲ့)](https://i0.wp.com/www.ludunwayoo.com/wp-content/uploads/2022/07/294576218_426568579532600_6184617159451940231_n.png?resize=880%2C663&ssl=1)
ပူးပေါင်းအဖွဲ့များ၏တိုက်ခိုက်မှုကြောင့် စစ်ကောင်စီတပ်မှ ထိခိုက်ဒဏ်ရာ ရခဲ့ပကြောင်း၊ စစ်ကောင်စီတပ်၏ လက်နက်ကြီးနှင့် ရမ်းသမ်းပစ်ခတ်မှုကြောင့် ပြည်သူတစ်ဦးထိမှန်ပြီး ပြည်သူလူထု နေအိများ ထိခိုက်ပျက်စီးခဲ့ကြောင်း ထုတ်ပြန်ခဲ့သည်။
အလယ်ပိုင်းတိုင်းအထူးစစ်ဆင်းရေးအဖွဲ့အနေဖြင့် ဒေသခံပြည်သူ့ကာကွယ်ရေး တပ် များနှင့်ပူးပေါင်းကာ စစ်အာဏာရှင်စနစ်ပြုတ်ကျသည်အထိတိုက်ပွဲဝင် သွားမည်ဖြစ်ကြောင်း ထုတ်ပြန်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)