အထူးကွန်မန်ဒိုပြောက်ကျားတပ်ဖွဲ့ပါဖွဲ့စည်း
ဖျက်သိမ်းလိုက်ကြောင်း ကြေညာခဲ့သည့် ရွာငံPDFသည် ချိုးဖြူပြောက် ကျားတပ်ဖွဲ့(JPGF)အမည်ဖြင့် စစ်ဆင်ရေးများဆက်လက်ပြုလုပ်ခဲ့ပြီး ယခုအခါ အထူးကွန်မန်ဒိုပြောက်ကျားတပ်ဖွဲ့အဖြစ်ဖွဲ့စည်းနေပြီဟု သတင်းထုတ်ပြန် သည်။
ရွာငံပြည်သူ့ကာကွယ်ရေတပ်ဖွဲ့(YPDF)ကို တရားဝင်ဖျက်သိမ်းလိုက်ပြီ ဖြစ်ကြောင်း ဇွန်လ၃၀ရက်တွင် ကြေညာခဲ့သည်။ အခက်အခဲအမျိုးမျိုးကြောင့် ဆက်လက်ရပ်တည်နိုင်ခြင်းမရှိတော့သည့် အတွက်ကြောင့်ဖျက်သိမ်း လိုက်ရခြင်းဖြစ်ကြောင်း ထုတ်ပြန်ခဲ့သော်လည်း YPDFသည် ချိုးဖြူပြောက်ကျား တပ်ဖွဲ့(JPGF)အနေဖြင့် စစ်ဆင်ရေးများ ဆက်လက်ပြုလုပ်ခဲ့သည်ဟု ယနေ့(ဇူလိုင် ၂၁ရက်)တွင် ပြည်သူလူထုအား အသိပေးလာသည်။
“မိမိတို့တပ်ဖွဲ့သည် YPDFအနေဖြင့် လှုပ်ရှား၍မရသော အခြားဒေသများ တွင်JPGF အမည်ဖြင့် လှုပ်ရှားဆောင်ရွက်ခဲ့ပါသည်”ဟု ရွာငံPDFက ထုတ်ပြန်သည်။
YPDFအနေဖြင့် ဒေသကိုစွန့်ခွာတော့မည်ဖြစ်ကြောင်း ကြေညာချက်တွင် ဖော်ပြခဲ့သလို တော်လှန်ရေးတွင် ပုံစံအမျိုးမျိုးဖြင့်ဆက်လက်တည်ရှိနေပြီး စုဖွဲ့မှုအသစ်ဖြင့်ပြန်လာခဲ့မည်ဟု ကတိသစ္စာပြုခဲ့ကြောင်း၊ တော်လှန်ရေး တွင်ပုံစံအမျိုးမျိုးဖြင့်တည်ရှိနေမည်ဆိုသည်မှာ YPDFသည် ရှမ်းတောင် အခြေစိုက် ချိုးဖြူပြောက်ကျားတပ်ဖွဲ့(JPGF)အသွင်ဖြင့် လှုပ်ရှား နေခြင်းဖြစ် သည်ဟု ရှင်းပြထားသည်။
စုဖွဲ့မှုအသစ်ဖြင့်ပြန်လာမည်ဆိုသည်မှာ YPDFသည် အထူးကွန်မန်ဒို ပြောက်ကျားတပ်ဖွဲ့ ဖွဲ့စည်း ကာ JPGF၏အထူးပြောက်ကျားတပ်ဖွဲ့အနေဖြင့် ဖွဲ့စည်းနေပြီဖြစ်ကြောင်းပြည်သူများထံအသိပေး ထားသည်။
ချိုးဖြူပြောက်ကျားတပ်ဖွဲ့တွင် ပင်းတယ၊ ရွာငံ၊တောင်ကြီးနှင့်ရပ်စောက် အပါအဝင် ရှမ်းပြည်နယ် တောင်ပိုင်းမြို့နယ်များမှ ပြည်သူ့ရဲဘော်များ ပူးပေါင်းဖွဲ့စည်းထားသည်ဟု ဓနုဒေသမှ ပြည်သူ့ရဲဘော်တစ်ဦးက ပြောသည်။
ရွာငံPDFက ဖျက်သိမ်းသည်ဆိုသော သတင်းသည် သတင်းမီဒီယာကြီးများတွင် အကျယ်တဝင့် ဖော်ပြခဲ့ကြသည်။ ယင်းကာလ(ဇွန် ၃၀ရက်နောက်ပိုင်း) နောက်ပိုင်းတွင် ရွာငံနှင့် ပင်းတယပါဝင်သော ဓနုကိုယ်ပိုင်အုပ်ချုပ်ခွင့်ရ ဒေသတွင် စစ်ကောင်စီထောက်တိုင်အကြီးစားများ ဆက်တိုက် တိုက်ခိုက်ခံခဲ့ရသည်။ယင်းတိုက်ခိုက်မှုများတွင် ချိုးဖြူပြောက်ကျားတပ်ဖွဲ့ (JPGF)က အများဆုံး ပါဝင်ခဲ့သည်။
ပင်းတယတွင် ပျုစောထီးနှင့်ပြည်သူ့စစ်ဖွဲ့ရန် ကြိုးစားနေသည့် ပြည်ခိုင်ဖြိုးပါတီ အမတ်လောင်း ဦးကျော်ငြိမ်းကို ဇွန် ၁၈ရက်တွင် ချိုးဖြူပြောက်ကျား တပ်ဖွဲ့(JPGF)က သုတ်သင်ရှင်းလင်းခဲ့သည်။ပင်းတယမြို့အထွက် စစ်ကောင်စီ ကင်းစခန်းတစ်ခုကိုလည်း ဇွန် ၂၉ရက်တွင်JPGF တိုက်ခိုက်ခဲ့သည်။
