စစ်အုပ်စု၏ မိသားစုများ၊ ထောက်ခံသူများ၊ အကျိုးစီးပွားပတ်သက်သူများအား လုံး တာဝန်ခံရ မည်ဟု အသိပေး
စစ်ရာဇဝတ်ကောင် မင်းအောင်လှိုင် နှင့် စစ်အာဏာရူးတစ်သိုက်က ကိုဂျင်မီ နှင့် ကိုဇေယျာသော် အပါအဝင် လူလေးဦးအား သေဒဏ်စီရင်ခြင်း အပါအဝင် ဥပဒေမဲ့လုပ်ရပ်များ နှင့်ပတ်သက်ပြီး ပြည်သူ့ကာကွယ်ရေးတပ်မတော် စစ်ဒေသ(၁) အနောက်ပိုင်း စစ်ဒေသခွဲ၊ တပ်မဟာ(၇) အနေဖြင့် အစွမ်းကုန် တုံ့ပြန် တိုက်ပွဲဝင်သွားမည်ဟု အသိပေး ထုတ်ပြန်ခဲ့သည်။
စစ်အာဏာရူးများအပြင် ၎င်းတို့၏ မိသားစုများ၊ အကြမ်းဖက်စစ်အုပ်စုကို နည်းမျိုးစုံဖြင့် ထောက်ခံ အားပေးသူများ ၊ စစ်အုပ်စုနှင့် အကျိုးစီးပွား ပတ်သက်နေသူအားလုံး တာဝန်ခံကြရမည် ဟုလည်း အသိပေးထားသည်။
နိုင်ငံတော်အာဏာကို မတရားလုယူထားသော အကြမ်းဖက်စစ်ကောင်စီ၏ လုပ်ရပ်သည် မကြာမီ ပြုတ်ကျတော့မည့် စစ်အာဏာရူးတစ်သိုက်၏ သေမထူး နေမထူး လုပ်ရပ်ဖြစ်ပြီး ပြည်သူအား လက်နက်အားကိုးဖြင့် အကြောက်တရား ထပ်မံရိုက်သွင်းခြင်းဖြစ်သည်ဟု ဆိုသည်။
မြန်မာနိုင်ငံ၏ သမိုင်းကြောင်းတလျှောက် အာဏာသိမ်းစစ်အုပ်စု နှင့် ၎င်းတို့၏ မိသားစုများအား ခေတ်အဆက်ဆက်တွင် အပြစ်ပေးအရေးယူနိုင်ခဲ့ခြင်းမရှိဘဲ ဥပဒေမှ ကင်းလွတ်ခွင့်ရနေသော အခြေအနေများကြောင့် အာဏာသိမ်း မျိုးဆက် တစ်ဆက်ပြီးတစ်ဆက်၏ ပိုမိုဆိုးဝါး ရက်စက်ကြမ်းကြုတ်မှုများအား ပြည်သူများ ပိုမိုခံစားလာကြရကြောင်း ထုတ်ပြန်သည်။
ပြည်သူနှင့် တိုင်းပြည်အတွက် အသက်ပေးလှုသွားကြသော နွေဦးတော်လှန်ရေး ၏ အာဇာနည် သူရဲကောင်းများအတွက် အစွမ်းကုန် တုန့်ပြန်တိုက်ပွဲဝင်သွားမည်ဖြစ်ကြောင်း ထုတ်ပြန်ကြေညာ ခဲ့ပြီး ကိုဂျင်မီ ၊ ကိုဖြိုးဇေယျာသော် အပါအဝင် ပြည်သူနှင့် တိုင်းပြည်အတွက် အသက်ပေးလှူ သွားကြသော နွေဦးတော်လှန်ရေး၏ အာဇာနည်သူရဲကောင်းများအား ဂုဏ်ပြု အလေးပြုကြောင်း ဖော်ပြထားသည်။
