●PDRF နှင့် DNDF (ဝက်လက်)တို့ပူးပေါင်းတိုက်ခိုက်ခဲ့ပြီးစစ်ကောင်စီတပ်သား၄ဦးခန့်သေဟုPDFထုတ်ပြန်
စစ်ကိုင်းတိုင်း၊ စစ်ကိုင်းမြို့နယ်အထွေထွေအုပ်ချုပ်ရေးဦးစီးဌာနရုံးနှင့် စည်ပင်သာယာရုံးအတွင်း ယနေ့မွန်းလွဲပိုင်းက ဒရုန်းဖြင့် ဗုံးကြဲတိုက်ခိုက် ခံရကြောင်း ဒေသတွင်းသတင်းရင်းမြစ်များက ပြောသည်။
ယနေ့ (သြဂုတ်၁ရက်) မွန်းလွဲ ၂နာရီ၁၅မိနစ်ခန့်က စစ်ကိုင်းမြို့ရှိ အထွေထွေ အုပ်ချုပ်ရေးဦး စီးဌာနရုံးနှင့် စည်ပင်သာယာရုံးများအား ဒရုန်းဖြင့် ဗုံးကြဲတိုက်ခိုက်ခံရခြင်းဖြစ်ပြီး ထွေအုပ်ရုံးဝင်း ဂိုထောင်၌ ရပ်ထားသော ကား ၂ စီး မီးလောင်သွားကြောင်း စစ်ကိုင်းမြို့နယ်သတင်းမှန်ပြန်ကြား ရေးက အသိပေးသည်။
စစ်ကိုင်းထွေအုပ်ရုံးနှင့်စည်ပင်ရုံးသည် မျက်နှာချင်းဆိုင်အနေအထားဖြင့် တည်ရှိသည်။
![(တိုက်ခိုက်ခံရမှုကြောင့် စစ်ကောင်စီ၏ ယာဥ် ၂နှစ်စီး မီးလောင်ထားသည်ကို စစ်ကောင်စီ၏ ဝါဒဖြန့်FIFTY TWO တယ်လီဂရန်ချန်နယ်တွင် ဖော်ပြထားစဥ်)](https://i0.wp.com/www.ludunwayoo.com/wp-content/uploads/2022/08/295943260_435371608652297_1589112313874639687_n.png?resize=721%2C540&ssl=1)
“ရုံးပေါ်ကိုကျခဲ့ကာ တစ်ဆင့် ဂိုထောင်ဘက်ကျပြီးပေါက်ကွဲ မီးလောင်ခဲ့တာလို့ သိရပါတယ်။ မီးများတယ်လို့သိရပါတယ်။ စည်ပင်ရုံးဝင်းထိခိုက်မှုနည်းတယ်လို့ ကနဦးသတင်းရရှိပါတယ်။”ဟု စစ်ကိုင်းမြို့နယ် သတင်းမှန်ပြန်ကြားရေးက ရေးသားထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
အဆိုပါဖြစ်စဥ်နှင့်ပတ်သက်၍ မည်သည့်အဖွဲ့က လုပ်ဆောင်ခဲ့ခြင်းဖြစ်သည်ကို လက်တလော မသိရသေးပေ။
“အသံကတော်တော်ကျယ်တယ်။ မြို့ထဲကနေကောင်းကောင်းကြားလိုက်ရတယ်။”ဟု စစ်ကိုင်းမြို့ခံတစ်ဦးက ပြောသည်။
![(တိုက်ခိုက်ခံရမှုကြောင့် စစ်ကောင်စီ၏ ယာဥ် ၂နှစ်စီး မီးလောင်ထားသည်ကို စစ်ကောင်စီ၏ ဝါဒဖြန့်FIFTY TWO တယ်လီဂရန်ချန်နယ်တွင် ဖော်ပြထားစဥ်)](https://i0.wp.com/www.ludunwayoo.com/wp-content/uploads/2022/08/296849647_435371691985622_492162949278679552_n.png?resize=721%2C540&ssl=1)
ထွေအုပ်ရုံးနှင့် စည်ပင်ရုံးအား People’s Dictatorship Revolutionary Force-PDRFအဖွဲ့ နှင့်အတူ မဟာမိတ် Doung Ni Defence Force (DNDF-Wetlet)အဖွဲ့တို့ ကပူးပေါင်းတိုက်ခဲ့သည်ဟု PDRF (SGG-UG) အဖွဲ့က ယနေ့ထုတ်ပြန်ထားသည်။ အကြမ်းဖက်စစ်သားလေးဦးခန့်သေဆုံးသည်ဟု PDRF (SGG-UG)အဖွဲ့ကဆိုပြီး ထပ်မံအတည်ပြုနိုင်ခြင်းမရှိသေးပါ။
စစ်ကိုင်းမြို့တွင် ပြီးခဲ့သည့်ရက်ပိုင်းအတွင်းက မြို့ခံဓါတ်ပုံဆရာတစ်ဦးအား အကြမ်းဖက် စစ်ကောင်စီတပ်က ဖမ်းဆီးသတ်ဖြတ်ခဲ့ပြီး အလောင်းအား လမ်းဘေးတွင်စွန့်ပစ်ခဲ့သေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)