ပြည်သူ့စစ် တပ်စခန်းဟောင်းကို KIA မီးရှို့ဖျက်ဆီး
ကချင်ပြည်နယ် ဖားကန့် မြို့နယ် ရှဒူးဇွပ်အခြေစိုက် စစ်ကောင်စီတပ်နှင့် ပြည်သူ့စစ်ပူးပေါင်းတပ်ဖွဲ့၏ ယာဉ်တန်းကို ကချင်လွတ်လပ်ရေးတပ်မတော်(KIA)က ယနေ့နံနက်တွင် မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိခဲ့သည်ဟု KIA သတင်းပြန်ကြားရေးဌာနက ဖော်ပြသည်။
![KIA ရဲဘော်များနှင့် မီးရှို့ဖျက်ဆီးခဲ့သော စခန်းအား တွေ့ရစဉ်၊ ဓာတ်ပုံ - The Kachin Net's Post](https://i0.wp.com/www.ludunwayoo.com/wp-content/uploads/2022/12/319279010_668292124945345_6592733859930235398_n.jpg?resize=880%2C396&ssl=1)
KIA အမှတ်(၂) တပ်မဟာအမှတ်(၄၃) တပ်ရင်းနယ်မြေ နန့်ဖျက်ကျေးရွာနှင့် ကောင်ရာကျေးရွာအကြား၌ ဒီဇင်ဘာ ၁၇ရက် နံနက်ပိုင်းတွင် စစ်ကောင်စီတပ် ယာဉ်တန်းကို KIAက နှစ်ကြိမ် မိုင်းဆွဲတိုက်ခိုက်ခဲ့သည်ဟု ဆိုသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ရှဒူးဇွပ်စစ်ကောင်စီတပ် ခလရ (၂၉၇)နှင့် ပြည်သူ့စစ်ပူးပေါင်းတပ် အင်အား ၁၀၀ ခန့်ပါဝင်သည့်အဖွဲ့သည် စစ်အင်အားနှင့် စစ်လက်နက် အသုံးအဆောင်များ တင်ဆောင်ကာ လှုပ်ရှားလာစဉ် KIAက တိုက်ခိုက်ခဲ့ရာ စစ်ကောင်စီတပ်က ထိခိုက်မှုရှိခဲ့ပြီး လက်နက်ကြီးများဖြင့် အနီးဝန်းကျင်သို့ ပစ်ခတ်တိုက်ခိုက်ခဲ့ကြောင်း ဖော်ပြ သည်။
![KIA ရဲဘော်များနှင့် မီးရှို့ဖျက်ဆီးခဲ့သော စခန်းအား တွေ့ရစဉ်၊ ဓာတ်ပုံ - The Kachin Net's Post](https://i0.wp.com/www.ludunwayoo.com/wp-content/uploads/2022/12/320609395_883013436166626_1435944743033191629_n.jpg?resize=880%2C626&ssl=1)
အလားတူ KIA အမှတ်(၁၄)တပ်ရင်းနယ်မြေ တနိုင်းမြို့နယ် လမုန်ကျေးရွာရှိ စစ်ကောင်စီ လက်အောက်ခံ ပြည်သူ့စစ်တပ်၏ တပ်စခန်းဟောင်းတစ်ခုကို ဒီဇင်ဘာ ၁၆ရက်ညပိုင်းတွင် KIA တပ်ဖွဲ့က သွားရောက်မီးရှို့ဖျက်ဆီးခဲ့သည်ဟု ဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)