▪︎စစ်တပ်သေဆုံးထိခိုက်မှုများ၊တမူးPDFတစ်ဦးကျဆုံးပြီး ၂ ဦးဒဏ်ရာရ
တမူးမြို့နယ်၊ ကွန်းတောင်းရွာမှ ပြည်သူ့ကာကွယ်ရေးမဟာမိတ်တပ်ဖွဲ့စခန်းတစ်ခုကို စစ်ကောင်စီတပ်က ယနေ့နံနက်အစောပိုင်းတွင် ဝင်စီးနင်းရာ တော်လှန်ရေးတပ်ဖွဲ့များက တန်ပြန်တိုက်ခိုက်သဖြင့် စစ်တပ်အထိနာသွား၍ စစ်တပ်က လေကြောင်းပစ်ကူအသုံးပြုခဲ့သည်။
” စစ်ခွေးတွေက စခန်းကို လာတိုက်တာ။ ကလေးတွေက ဆုတ်ပေးပြီးမှ ပြန်ထိုးစစ်ဆင်တာ စစ်ခွေးအလောင်း လေးလောင်းရတယ်။ဒဏ်ရာရလည်းများတယ်” ဟု တမူးပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။
နံနက် ၇နာရီခန့်တွင် စစ်ကောင်စီက စတင်တိုက်ခိုက်ရာ ပြည်သူ့ကာကွယ်ရေးရဲဘော်များက ဆုတ်ခွာပေးခဲ့သည်။ ထို့နောက် PDF များကပြန်ပြီးထိုးစစ်ဆင်ခဲ့ရာ စစ်ကောင်စီဘက်တွင် အထိနာသွားသလို တိုက်ပွဲအတွင်း ပြည်သူ့ကာကွယ်ရေးရဲဘော်တစ်ဦးကျဆုံးပြီး သုံးဦးဒဏ်ရာရခဲ့ကြောင်း သိရသည်။
ထို့နောက်ယနေ့(မတ် ၂၃) ညနေ ၂နာရီခန့်တွင် စစ်ကောင်စီ ရဟတ်ယဉ်တစ်စီးက လေကြောင်းတဆင့် ဗုံးကြဲ တိုက်ခိုက်ခဲ့သော်လည်း အထိအခိုက်မရှိကြောင်းသိရသည်။စခန်းကိုလည်းခတ္တဆုတ်ခွာပေးပြီး ပြန်လည်တိုက်ခိုက်ရယူနိုင်၍
ကျဆုံးခြင်းလည်းမရှိကြောင်း ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။
ယနေ့ညနေ နောက်ဆုံးရရှိသောသတင်းများအရ စစ်ကောင်စီ၏လေကြောင်းရန်ကိုကြောက်လန့်၍ ဒေသခံများ ဘေးလွှတ်ရာထက်ပြေးတိမ်းရှောင်နေရကြောင်း ဒေသခံအချို့ကပြောသည်။
တမူးPDF တပ်ရင်း (၁) နှင့် တပ်ရင်း ( ၂ ) တို့သည် အမျိုးသားညီညွတ်ရေးအစိုးရ(NUG)၊ကာကွယ်ရေးဝန်ကြီးဌာန လက်အောက်မှ ခရိုင်တပ်ရင်းဖြစ်သည်။
