စစ်ကိုင်းတိုင်း ကနီမြို့တွင် စစ်ကောင်စီတပ်သားများနှင့်ရဲများပါသော စစ်ကြောင်း တိုက်ခိုက်ခံရပြီး နှစ်ဦးသေဆုံးရာ သုသာန်၌ ချက်ချင်းသင်္ဂြိုလ်လိုက်ကြောင်း သတင်းရရှိသည်။
အင်အား ၃၀ခန့်ရှ်ိသော အဆိုပါစစ်ကောင်စီစစ်ကြောင်းသည် ယနေ့(မတ်လ ၃၀ရက်) နံနက် ၁၁နာရီခန့်တွင် ကနီမြို့ပေါ်မှ ကြို့ပင်သာဘက်သို့ ထွက်လာစဉ် ကျောက်လုံးကြီး၊ DRPAအဖွဲ့နှင့် နယ်မြေခံပကဖများက တိုက်ခိုက်ခဲ့ခြင်းဖြစ်သည်။
” စစ်တပ်ဘက်က နှစ်ယောက်သေတယ်။ နှစ်ယောက် ဒဏ်ရာရတယ်။ သေတဲ့နှစ်ကောင်ကို ကနီသုသာန်မှာ သင်္ဂြိုလ်သွားတယ်” ဟု KLG PDFကျောက်လုံးကြီးPDF ပြောရေးဆိုခွင့်ရှိသူကပြောသည်။
တိုက်ခိုက်ခံရမှုကို စစ်ကူပေးရန် ကနီမြို့ပေါ်မှ စစ်ကောင်စီတပ်သားနှင့်ရဲ အင်အား ၅၀ခန့် ရောက်ရှိလာ၍ ပြည်သူ့ကာကွယ်ရေး မဟာမိတ်များ အထိအခိုက်မရှိ အောင်မြင်စွာဆုတ်ခွာနိုင်ခဲ့သည်ဟု သတင်းရရှိသည်။
စစ်ကောင်စီတပ်သည် စစ်ကိုင်းတိုင်းအတွင်း မြို့နယ်အများစုတွင် စစ်ကြောင်းထိုးနေပြီး ပြည်သူ့ကာကွယ်ရေးတပ်ဖွဲ့များက တိုက်ခိုက်နေ၍ အထိနာနေသည်။
