ချင်းပြည်နယ် ဖလမ်းမြို့နယ် ဝေဘူလမြို့တွင် အကြမ်းဖက်စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့၍ ကလေးငယ်တစ်ဦး နှင့် အမျိုးသမီး သုံးဦး အပါအဝင် အရပ်သား ၉ဦးသေဆုံးခဲ့ရာ ၎င်းတို့ကို ယနေ့ ဧပြီ ၁၁ရက်တွင် သင်္ဂြိုလ်ခဲ့ပြီးဖြစ်ကြောင်းဒေသခံသတင်းဌာနဖြစ်သော The Rihli Voice က ဓာတ်ပုံမှတ်တမ်းများနှင့်အတူ ဖော်ပြသည်။
![(ဝေဘူလမြို့ စစ်တပ်လေကြောင်းတိုက်ခိုက်မှုတွင်သေဆုံးခဲ့ရသူများ၏ နာရေးနှင့် သေဆုံးခဲ၏ဓါတ်ပုံ။ ဓါတ်ပုံ-The Rihli Voice)](https://i0.wp.com/www.ludunwayoo.com/wp-content/uploads/2023/04/340180113_1442597356276815_5177234720148193189_n.jpg?resize=675%2C900&ssl=1)
ဧပြီ ၁၀ရက် နေ့လည်ပိုင်းတွင် စစ်ကောင်စီတပ်က ဝေဘူလမြို့ရှိ အရပ်သားပြည်သူများကို ပစ်မှတ်ထားပြီး လေယာဉ်ဖြင့် ဗုံးကြဲတိုက်ခိုက်ခဲ့၍ခရစ်ယာန်သင်းအုပ်ဆရာတော် တစ်ပါး၊ ကျောင်းအုပ်ဆရာ တစ်ဦး အပါဝင် အရပ်သားပြည်သူ ၉ဦးသေဆုံးကာ ၄ဦး ဒဏ်ရာရခဲ့သည်ဟု ကြားကာလချင်းအမျိုးသားအတိုင်ပင်ခံကောင်စီက ထုတ်ပြန်ထားသည်။ သေဆုံးခဲ့သူများအနက် အမျိုးသမီး ၃ဦး ၊ ကလေးတစ်ဦး ပါဝင်သည်ကို တွေ့ရသည်။
![(ဝေဘူလမြို့ စစ်တပ်လေကြောင်းတိုက်ခိုက်မှုတွင်သေဆုံးခဲ့ရသူများ၏ နာရေးနှင့် သေဆုံးခဲ၏ဓါတ်ပုံ။ ဓါတ်ပုံ-The Rihli Voice)](https://i0.wp.com/www.ludunwayoo.com/wp-content/uploads/2023/04/340629645_1408159533274376_5645731700811180309_n.jpg?resize=880%2C659&ssl=1)
အဆိုပါ သေဆုံးခဲ့သူ ၉ဦးတို့ကိုယနေ့မနက်ပိုင်းတွင်ခရစ်ယာန်ထုံးတမ်းအစဉ်အလာဖြင့် သင်္ဂြိုလ်ခဲ့ကြောင်း The Rihli Voice က ဖော်ပြသည်။
သေဆုံးသူ များမှာ သိက္ခတော်ရ ဆရာဂျေစောဇာထန်း၊ကျောင်းအုပ်ဆရာကြီး(CDM) ဦးထောင်းဇအုပ် ၊ ကျောင်းအုပ်ဆရာကြီး၏ ဇနီး ဒေါ် ထီးယန်းဆုန်း၊ကျောင်းအုပ်ဆရာကြီး၏ သား အသက် ၁၂နှစ်အရွယ်ရှိ ဆလိုင်း ဗျက်လှယ်ကျဲအို၊ CDM ဆရာမ ဇာနှဲမ် ကိမ်း၊ ဆလိုင်း နာထန်းဟရင်းဆန်း ဆလိုင်း နောအ ဆန်းလျန်း၊ ဒေါ် စောလှယ် ကိမ်း၊CDMစစ်သားကိုချစ်မင်းသူ တို့ဖြစ်သည်ဟုဖော်ပြသည်။
![(ဝေဘူလမြို့ စစ်တပ်လေကြောင်းတိုက်ခိုက်မှုတွင်သေဆုံးခဲ့ရသူများ၏ နာရေးနှင့် သေဆုံးခဲ၏ဓါတ်ပုံ။ ဓါတ်ပုံ-The Rihli Voice)](https://i0.wp.com/www.ludunwayoo.com/wp-content/uploads/2023/04/340573028_983529062630156_3186538617241596317_n.jpg?resize=880%2C659&ssl=1)
![(ဝေဘူလမြို့ စစ်တပ်လေကြောင်းတိုက်ခိုက်မှုတွင်သေဆုံးခဲ့ရသူများ၏ နာရေးနှင့် သေဆုံးခဲ၏ဓါတ်ပုံ။ ဓါတ်ပုံ-The Rihli Voice)](https://i0.wp.com/www.ludunwayoo.com/wp-content/uploads/2023/04/340082260_1638851673217361_1068545846880507080_n.jpg?resize=880%2C880&ssl=1)
လေကြောင်း တိုက်ခိုက်ခံရမှုကြောင့် ဒဏ်ရာရသူ ၄ဦအနက်၂ဦးသည် ဒဏ်ရာပြင်းထန်သည်ဟုသိရသည်။
စစ်ကောင်စီတပ်သည် မတ်လ ၃၀ရက်ကလည်း ထန်တလန်မြို့နယ် ခွာဖိုရွာကို တိုက်ပွဲဖြစ်ပွားမှုမရှိဘဲ လေကြောင်းမှ တိုက်ခိုက်ခဲ့ရာ အမျိုးသမီးများအပါအဝင် အရပ်သား ၉ဦးသေဆုံးခဲ့ရပြီး ဒဏ်ရာရသူအများအပြားရှိခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)