ပြည်တွင်းရွှေဈေးကွက်မှာ အခေါက်ရွှေ ဈေးနှုန်းဟာ ဒီနေ့မှာ ထိပ်စီးပြောင်းသွားပြီး တစ်ကျပ်သားကို ကျပ်သိန်း ၃၀ ကျော်သွားပါတယ်။
ဒီနေ့ မွန်းလွဲပိုင်းမှာ အခေါက်ရွှေ တစ်ကျပ်သားကို ကျပ်သိန်း ၃,၀၀၃,၀၀၀ ဖြစ်သွားတာလို့ ဈေးကွက်ထဲ ရွှေသွားဝယ်သူတစ်ဦးက ပြောပြပါတယ်။
မနေ့က ရွှေဈေးဟာ ကျပ် ၂,၉၉၀,၀၀၀ ဝန်းကျင်ရှိပြီး ဒီနေ့မှာ ကျပ် ၁၀,၀၀၀ ကျော် မြင့်တက်သွားတာပါ။
ဒီလို ရွှေဈေး ထိပ်စီးပြောင်းလာချိန်မှာ စစ်ကောင်စီထိန်းချုပ်ထားတဲ့ ရန်ကုန်ရွှေအသင်းက ရွှေဆိုင် ၊ရွှေကုန်သည်တွေအနေနဲ့ အခေါက်ရွှေ တစ်ကျပ်သားကို ကျပ် ၂၉ သိန်းအောက်နဲ့သာအရောင်းအဝယ်လုပ်သင့်တယ်လို့ ပန်ကြားစာထုတ်လာပါတယ်။
အဲဒီရွှေအသင်းက ဒီနေ့ နေ့ခင်းပိုင်း ရွှေဈေးပေါက်ဈေးဟာ တစ်ကျပ်သားကို ကျပ် ၂၃ သိန်းခွဲ ဖြစ်တယ်လို့ဆိုထားပါတယ်။
