မုံရွာ-မန္တလေးလမ်းပေါ်တွင် မုံရွာသွားမည့် စစ်ကောင်စီတပ်မှ ဗိုလ်ကြီးတစ်ဦးအပါအဝင် မိသားစုအား PDFများက ဖမ်းဆီးထိန်းသိမ်းလိုက်သည်။
ယမန်နေ့ (မေလ ၇ ရက်နေ့ )မွန်းလွဲပိုင်းက မြင်းမူမြို့နယ်၊ မုံရွာ-မန္တလေးလမ်းပိုင်းတစ်နေရာတွင် မန္တလေးဘက်မှ လာသော အိမ်စီးကားတစ်စီးကို ဒေသတွင်းတော်လှန်ရေးအင်အားစုများက တားဆီးစစ်ဆေးရာ ကားပေါ်၌ ကျား(၄)ဦး မ (၁)ဦးကို တွေ့ရှိရကြောင်း၊ ကျား ၄ ဦးအနက် တစ်ဦးမှာ စစ်ကောင်စီ၏ (၃)ပွင့်ဗိုလ်၊ ဗိုလ်ကြီးကျော်ဝဏ္ဏ ဆိုသူ ဖြစ်ကြောင်း တော်လှန်ရေးသတင်းအရင်းအမြစ်က ပြောသည်။
၎င်းတို့သည် မုံရွာသွားရန်ထွက်လာကြသော မိသားစုဟုသိရပြီး ၎င်းနှင့်အတူ စာရွက်စာတမ်း ၊ပြန်တမ်းဝင်အရာရှိလက်မှတ်များလည်း တွေ့ရှိကြောင်း၊ ၎င်းတို့အားဖမ်းဆီးခေါ်ဆောင်ကာ စစ်ကိုင်းခရိုင် ခရိုင်ပကဖ၊ ခရိုင်ကွပ်ကဲရေးရုံးထံ သတင်းပို့၍ စစ်ကိုင်းခရိုင်ရုံးသို့ ပါလာသော ပစ္စည်းများနှင့်အတူ အပ်နှံခဲ့ကြောင်းတော်လှန်ရေးအဖွဲ့များကပြော သည်။
“ကျွန်တော်တို့က ထိန်းသိမ်းပေးထားတာပဲရှိတာပါ။ NUGက ဆင်းလာတဲ့ ဗိုလ်မှူးတွေဆီကို အပ်လိုက်တာ။ ကျွန်တော်တို့ လက်ဖျားနဲ့တောင်မထိဘူး။”ဟုဖမ်းဆီးခဲ့သည့်အဖွဲ့တွင်ပါဝင်ခဲ့သည့် တော်လှန်ရေးခေါင်းဆောင်တစ်ဦးက People’s Spring သတင်းဌာနသို့ ပြောသည်။
ယခုလပိုင်းအတွင်းနိုင်ငံတစ်ဝန်းတိုက်ပွဲများတွင် စစ်တပ်မှ အရာရှိများသေဆုံး ၊ဒဏ်ရာရမှုများလာသည်။
