ဆောမြို့နယ်အတွင်းရှိ ဆော၊ ကျောက်ထု၊ လောင်းရှည် ဒေသအသီးသီးမှ စစ်ဘေးရှောင်ပြည်သူများအတွက် စားနပ်ရိက္ခာများ၊ အဝတ်အထည်များနှင့် အမိုးအကာများကို ကူညီထောက်ပံ့ပေးခဲ့ကြောင်း ပြည်သူ့ကာကွယ်ရေးတပ်မတော် (PDF) ဂန့်ဂေါခရိုင်အမှတ် (၁၃) တပ်ရင်း-The Youth Force – Saw & Kyaukhtuက ယနေ့ ထုတ်ပြန်သည်။
တပ်ဖွဲ့ဝင်များအနေဖြင့် ပြည်သူများ၏ အခက်အခဲ အကြပ်တည်းများကိုလည်း တစ်ဖက်တစ်လှမ်းမှ ကြိုးစား၍ ကူညီဆောင်ရွက်ပေးခြင်းဖြစ်ကြောင်း အသိပေးထားသည်။
![ဆောနယ်ရှိ စစ်ရှောင်များအား PDF ဂန့်ဂေါခရိုင် တပ်ရင်း(၁၃)က စားနပ်ရိက္ခာနှင့် အမိုးအကာများ ကူညီ](https://i0.wp.com/www.ludunwayoo.com/wp-content/uploads/2023/08/363435708_624739253058204_5280177412324718677_n.jpg?resize=880%2C495&ssl=1)
အဆိုပါ တပ်ရင်းသည် မကွေးနှင့် ချင်းအစပ်ဒေသများတွင် ဒေသခံကာကွယ်ရေးတပ်များနှင့် ပူးပေါင်းပြီး စစ်ကောင်စီတပ်ကို တိုက်ခိုက်လျက်ရှိသည်။
ဂန့်ဂေါခရိုင် တပ်ရင်း (၁၃)သည် နယ်မြေအတွင်းရှိ စစ်ရှောင်များအား ကျန်းမာရေးစောင့်ရှောက်မှုများ လုပ်ဆောင်ပေးခဲ့ကြောင်းလည်း အသိပေးထားသည်။
![ဆောနယ်ရှိ စစ်ရှောင်များအား PDF ဂန့်ဂေါခရိုင် တပ်ရင်း(၁၃)က စားနပ်ရိက္ခာနှင့် အမိုးအကာများ ကူညီ](https://i0.wp.com/www.ludunwayoo.com/wp-content/uploads/2023/08/364036750_624739293058200_6372265429555919738_n.jpg?resize=880%2C495&ssl=1)
![ဆောနယ်ရှိ စစ်ရှောင်များအား PDF ဂန့်ဂေါခရိုင် တပ်ရင်း(၁၃)က စားနပ်ရိက္ခာနှင့် အမိုးအကာများ ကူညီ](https://i0.wp.com/www.ludunwayoo.com/wp-content/uploads/2023/08/365164483_624739273058202_4275997951974256078_n.jpg?resize=880%2C660&ssl=1)
ဆေးတပ်သားများ၊ CDM ဆရာဝန်များနှင့် စေတနာ့ ဝန်ထမ်း ဆရာ/ဆရာမများ စုပေါင်းပြီး စစ်ရှောင်များအား ကျန်းမာရေးဆိုင်ရာ အကူအညီများ ပေးခဲ့ခြင်းဖြစ်သည်။
နယ်မြေလုံခြုံရေးအရ ဆေးရုံ ၊ ဆေးခန်းများ နေရာ အတည်တကျ ဖွင့်လှစ်ထားနိုင်ခြင်း မရှိသေးသော်လည်း ရွေ့လျားဆေးခန်းအနေဖြင့် ကြိုးစား အကောင်ထည်ဖော်ဆောင်ရွက်လျက်ရှိပြီး ပြည်သူများအား ကျန်းမာရေးစောင့်ရှောက်မှုများ လုပ်ဆောင်ပေးသွားမည် ဖြစ်ကြောင်း ဩဂုတ် ၁ရက်တွင် ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)