ဆိုင်းမင်း/People’s Spring
မန္တလေးမြို့ ၊ ချမ်းမြသာစည်မြို့နယ် ၊ ကံသာယာရပ်ကွက်နေအိမ် မှာ ဓာတ်လိုက်နေတဲ့ သားဖြစ်သူကို မိခင်က ဝင်ကယ်ရင်းသားအမိနှစ်ဦး သေဆုံးသွားတဲ့ ဖြစ်စဉ် ပြီးခဲ့တဲ့ ရက်ပိုင်းက ဖြစ်ပွားခဲ့တယ်လို့ လူမှုကူညီရေးအဖွဲ့ထံကသိရပါတယ်။
အဲဒီဖြစ်စဉ်ဟာ သြဂုတ်လ ၂၄ ရက် ည ၁၀ နာရီဝန်းကျင်က ကံသာယာရပ်ကွက် ၊ အကွက် (ဗ) ၂၇ က နေအိမ်တစ်အိမ်မှာ ဖြစ်ပွားခဲ့တာပါ။
Public Service Announcement
သား ဖြစ်သူက နေအိမ်မှာ မီးကြိုးပေါက်ပြီး လျှပ်စစ်စီးနေတဲ့သံဇကာကို သွားကိုင်မိရာကနေ ဓာတ်လိုက်ခဲ့တာဖြစ်ပါတယ်။
ဓာတ်လိုက်နေတဲ့ သားကို မိခင်ဖြစ်သူက ကယ်ဖို့ ဝင်ဆွဲရာမှာ မိခင်ပါ ဓာတ်လိုက်ပြီး နှစ်ဦးလုံး သေဆုံးခဲ့ရတာလို့ သိရပါတယ်။
သေဆုံးသွားတဲ့သား က အသက် ၂၅ နှစ်အရွယ်ရှိပြီး မိခင်ကတော့ အသက် ၅၀ ဝန်းကျင်လို့ သိရပါတယ်။ရုပ်အလောင်းတွေကို လူမှုကူညီရေးအသင်းက မန္တလေး ဆေးရုံကြီး ဆီ ပို့ဆောင်ပေးခဲ့ပါတယ်။
ပြီးခဲ့တဲ့ မေလအတွင်းကလည်းမန္တလေးမှာ အခုလို အလားတူ ဖြစ်စဉ်မျိုး ဖြစ်ခဲ့ပါသေးတယ်။
အောင်မြေသာစံမြို့နယ် ၊ မင်းတဲအီကင်းရပ်ကွက်က တိုက်ခန်းမှာ ရေပြတ်လို့ ရေလှောင်ကန်မှာ သားအမိ နှစ်ဦးရေဆင်းခပ်ချိန် ရေမော်တာကြိုးကနေ ဓာတ်လိုက်ပြီး ၁၀ နှစ်အရွယ် ကလေးငယ် ကန်ထဲ ပြုတ်ကျကာအသက်ဆုံးရှုံးခဲ့ရတာပါ။
အဲဒီဖြစ်စဉ်မှာတော့ သမီးဖြစ်သူ ရေလှောင်ကန်ထဲပြုတ်ကျသွားတာကို လိုက်ဆယ်တဲ့ မိခင် ပါ ဓာတ်လိုက်ခဲ့ပြီး ဒဏ်ရာရခဲ့ပါတယ်။
