အာဏာသိမ်းစစ်ကောင်စီက ဦးဂျင်မီနှင့် ကိုဖြိုးဇေယျာသော်တို့ အပါအဝင် ဒီမိုကရေစီအရေးလှုပ်ရှားသူများကို အတင်းအဓမ္မ ဖမ်းဆီးချုပ်နှောင်၍ သေဒဏ်ပေးမှုအပေါ် ရန်ကုန်လူငယ်များက မုချလက်တုန့်ပြန်မည်ဆိုသည့် ပြည်သူ့ရာဇသံပေး ဆန့်ကျင်လှုပ်ရှားမှုများကို ယနေ့ (ဇွန်လ ၁၇) ပြုလုပ်ခဲ့သည်။
![ဓာတ်ပုံ - Youth Unions](https://i0.wp.com/www.ludunwayoo.com/wp-content/uploads/2022/06/288936241_404239875098804_5543796450298343826_n.jpg?resize=880%2C1173&ssl=1)
![ဓာတ်ပုံ - Youth Unions](https://i0.wp.com/www.ludunwayoo.com/wp-content/uploads/2022/06/288659516_404239925098799_7200023345064774921_n.jpg?resize=880%2C1173&ssl=1)
![ဓာတ်ပုံ - Youth Unions](https://i0.wp.com/www.ludunwayoo.com/wp-content/uploads/2022/06/288806545_404239968432128_4851430097992834309_n.jpg?resize=880%2C1173&ssl=1)
လူငယ်များက “တစ်ယောက်ကျ တစ်သက်မကြေဘူး ၊ နှစ်ယောက်ကျ တစ်ကမ္ဘာမကြေဘူး ၊ ဘယ်သူကျကျ ကမ္ဘာတည်သ၍ ဥဒါန်းမကြေဘူး” စာသားပါ စကေတာများ ၊ အကြမ်းဖက် အာဏာသိမ်းစစ်ခေါင်းဆောင် မင်းအောင်လှိုင်ပုံပါ “ကြိုးမိန့်ပေးလျှင် မုချလက်တုန့်ပြန်မည်”ဟု စာသားများပါ စတစ်ကာများအား ရန်ကုန်မြို့ရှိ လူစည်ကားရာ နေရာအနှံ့တွင် ကပ်၍ ပြည်သူ့ရာဇသံပေးပို့ခြင်းကို ပြုလုပ်ခဲ့ကြသည်။
ယင်းလှုပ်ရှားမှုကို လူငယ်များသမဂ္ဂ (Youths Union)၊ တော်လှန်သွေးမကုန်တောင်ဒဂုံ သပိတ်အင်အားစု၊ ပညာနန်းတော် ကိုယ်ပိုင်ကျောင်းကျောင်းသားများ သမဂ္ဂ၊ လှိုင်သာယာမြို့နယ်အခြေခံပညာကျောင်းသားများသမဂ္ဂတို့ မှ ညီညွတ်စွာ ပူးပေါင်းဆောင်ရွက်ခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)