NUCC နှင့် NUGတို့ နှစ်သစ်ကူး ပူးတွဲထုတ်ပြန် ကြေညာချက် ထုတ်ပြန်မည်

ပြည်သူ့တော်လှန်ရေးဆိုင်ရာ နှစ်သစ်ကူး ပူးတွဲ ထုတ်ပြန်ကြေညာချက်ထုတ်ပြန်မည်ဟု အမျိုးသားညီညွတ်ရေးအတိုင်ပင်ခံကောင်စီ(NUCC)နှင့် အမျိုးသားညီညွတ်ရေးအစိုးရ(NUG)တို့ ယနေ့ သဘောတူဆုံးဖြတ်သည်။

နှစ်သစ်ကူး ပူးတွဲထုတ်ပြန်ကြေညာချက် ထုတ်ပြန်နိုင်ရေးအတွက် NUCC နှင့် NUG တို့ ယနေ့ မွန်းလွဲပိုင်းတွင် တွေ့ဆုံဆွေးနွေးခဲ့ပြီး ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်းနှင့် ပြည်ထောင်စုဝန်ကြီးများနှင့် NUCC အဖွဲ့ဝင် အဖွဲ့အစည်းများမှ ကောင်စီဝင်များ စုံညီစွာ တက်ရောက်ခဲ့ကြောင်း ထုတ်ပြန်သည်။

ယင်းအစည်းအဝေးတွင် ပြည်သူ့တော်လှန်ရေးဆိုင်ရာ နှစ်သစ်ကူး ပူးတွဲ ထုတ်ပြန်ကြေညာချက်ထုတ်ပြန်ရေးအတွက် သဘောတူညီခဲ့ကြပြီးအခြားသော မဟာမိတ်နှင့် မိတ်ဖက်အဖွဲ့အစည်းများ ပါဝင်ရန်အတွက် ဖိတ်ခေါ်ရေးကိစ္စကိုလည်း ဆွေးနွေးညှိနှိုင်းခဲ့ကြောင်း ဖော်ပြသည်။

ပူးတွဲထုတ်ပြန်ကြေညာချက်နှင့် ပတ်သက်၍ ဆက်လက်ဆောင်ရွက်ရမည့် လုပ်ငန်းစဉ်များကို ဆွေးနွေးအတည်ပြုခဲ့သည်ဟု သိရသည်။