စစ်ကိုင်းတိုင်း တန့်ဆည်မြို့နယ် တဆယ်ကျဲကျေးရွာဘက်သို့ စစ်ကြောင်းထိုးလာသည့် စစ်ကောင်စီတပ်ကို ရွှေဘိုခရိုင် PDF တပ်ရင်းနှင့် Local PDF များပူးပေါင်းပြီး ကြားဖြတ်တိုက်ခိုက်ခဲ့ကြောင်း တပ်ရင်း (၁၀) PDF-Taze က ပြောသည်။
ယမန်နေ့ (ဧပြီ ၁၉)ညနေ ၅ နာရီခန့်က တဆယ်ကျဲရွာသို့ အင်အား ၁၂၀ ခန့်ဖြင့်ရောက်ရှိလာသော စစ်ကောင်စီ ခမရ(၃၆၈)မှစစ်ကြောင်းကို ၁၀ မိနစ်ကြာပစ်ခတ်တိုက်ခိုက်ခဲ့ခြင်းြဖစ်သည်ဟု ဆိုသည်။
အဆိုပါတိုက်ခိုက်မှုတွင် စစ်ကောင်စီတပ်မှ နှစ်ဦးသေဆုံးပြီး ခြောက်ဦးဒဏ်ရာရရှိကာ သေဆုံးသူများကို တိုက်ပွဲဖြစ်ပွားရာကျေးရွာအနီးတွင် သဂြိုလ်သွားကြောင်း PDF-Taze မှ တော်လှန်ရေးရဲဘော်တစ်ဦးက ပြောသည်။
“ကျသွားတဲ့နှစ်ကောင်ကို တဆယ်ကျဲရွာထဲမှာပဲ မီးရှို့သင်္ဂြိုထားခဲ့ပြီး ဒဏ်ရာရတဲ့ ၆ကောင်ကို ကျွန်းလည်ဘက်မှကားနဲ့ လာခေါ်သွားတယ်လို့သိရပါတယ်”ဟု ၎င်းရဲဘော်က ပြောသည်။
စစ်ကောင်စီတပ်က သေဆုံးရုပ်အလောင်းများအား ယနေ့(ဧပြီ ၂၀)နံနက်ပိုင်းတွင် တဆယ်ကျဲရွာတွင် သေနတ်ပစ်ဖောက်သဂြိုလ်သွားသည်ဟု ခန့်မှန်းရကြောင်း PDF-Taze က ခန့်မှန်းသည်။
လက်ရှိတွင် အဆိုပါ ခမရ(၃၆၈)စစ်ကြောင်းသည် တန့်ဆည်နယ် သဲစားနှင့် ရွာရှည်ကျေးရွာဘက်ရှိ ကုန်းတိုက်များတွင် ဆက်ရှိနေကြောင်း စုံစမ်းသိရသည်။
