ချင်းပြည်နယ် တီးတိန်မြို့နယ်ရှိ ချင်းအမျိုးသားတပ်မတော်(CNA) တပ်မဟာ(၄) တပ်စခန်းကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ CAN တပ်ဖွဲ့ဝင် နှစ်ဦး ကျဆုံးခဲ့ကြောင်း The Chin Journalက ဖော်ပြသည်။
ယနေ့ (ဧပြီ ၂၁ရက်) နေ့လည်ပိုင်း၌ တိုက်လေယာဉ်ဖြင့် နှစ်ကြိမ် ဗုံးကြဲတိုက်ခိုက်ခဲ့ရာ CNA တပ်ဖွဲ့မှ ဒုဗိုလ်ဆလိုင်းကိုရိန်နှင့် ဆေးတပ်ကြပ်ကြီး မိုင်မေကံဟွေ့တို့ နှစ်ဦးကျဆုံးခဲ့ကြောင်း ဖော်ပြထားသည်။
![(ကျဆုံးခဲ့ရသည့် ချင်းအမျိုးသားတပ်မတော်(CNA) တပ်ဖွဲ့ဝင် နှစ်ဦး။ဓာတ်ပုံ - The Chin Journal)](https://i0.wp.com/www.ludunwayoo.com/wp-content/uploads/2023/04/342363848_775337263992576_9001540411153399373_n.jpg?resize=651%2C1024&ssl=1)
ထို့ပြင် CNA တပ်ဖွဲ့ဝင် ဦလေးးလည်း ဒဏ်ရာရရှိခဲ့ပြီး အသက်အန္တရာယ်မစိုးရိမ်ရဟု ဆိုသည်။
အဆိုပါ လေကြောင်း တိုက်ခိုက်ခံရမှုနှင့်ပတ်သက်ပြီး ချင်းအမျိုးသားတပ်မတော်(CNA) ပြောရေးဆိုခွင့်ရှိသူ ဆလိုင်းထက်နီထံသို့ ဆက်သွယ်မေးမြန်းထားဆဲဖြစ်ပြီး တုံ့ပြန်ချက်မရသေးပေ။
စစ်ကောင်စီတပ်သည် ဇန်နဝါရီ ဒုတိယပတ်အတွင်းကလည်း ထန်တလန်မြို့နယ်အတွင်းရှိ CNF/CNA ဌာနချုပ် ကို ဗုံးကြဲတိုက်ခိုက်ခဲ့ရာ တပ်ဖွဲ့ဝင် ငါးဦးကျဆုံးခဲ့ပြီး ဒဏ်ရာရသူများရှိခဲ့သည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီတပ်သည် ချင်းပြည်နယ်အတွင်း စစ်ဆင်ရေးများ၌ CNA အပါအဝင် ချင်းပူးပေါင်းတပ်များ၏ တိုက်ခိုက်မှုကြောင့် အထိနာလျက်ရှိသည်။ မကြာသေးမီကပင် ဖလမ်း-ဟားခါးလမ်းပိုင်းတွင် စစ်ကောင်စီ သံချပ်ကာယာဉ် ၂စီး အပါအဝင် စစ်ကောင်စီတပ် ထောက်ပို့ ယာဉ်တန်းကို ချင်းပူးပေါင်းတပ်က တိုက်ခိုက်ဖျက်ဆီးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)