သေဆုံးသူ ၆ ဦးထိရှိလာပြီး ဒဏ်ရာရသူ ၁၀၀ ကျော်ရှိနေ
နေပြည်တော် ၊ လယ်ဝေးမြို့ထဲက တံတားဦးရွာနဲ့ အောင်မြင်ကုန်းရွာတွေမှာ ဒီနေ့ ညပိုင်း ၆ နာရီဝန်းကျင်က လေဆင်နှာမောင်းတိုက်ခတ် လို့ ရွာလုံးကျွတ်နီးပါး ပျက်စီးသွားပါတယ်။
ရွာလုံးကျွတ်နီးပါး ပျက်စီးသွားတဲ့ အဲဒီ ၂ရွာမှာ မီးသတ်ရဲ့စာရင်းအရ သေဆုံးသူ ၆ ဦး နဲ့ ဒဏ်ရာရသူ ၁၀၉ ဦးထိရှိနေပါတယ်။
ဒဏ်ရာရသူ ၁၀၀ ကျော်ထဲမှာ စိုးရိမ်ရသူ ၁၆ ဦးရှိတယ်လို့ လည်းမီးသတ်က ဆိုပါတယ်။
သေဆုံးသူ ၆ ဦးဟာ အမျိုးသား၂ ဦးနဲ့အမျိုးသမီး ၄ ဦးဖြစ်ပါတယ်။
ဒါအပြင် တံတားဦးရွာမှာ အိမ်ခြေ ၇၇ လုံး ၊အောင်မြင်ကုန်းရွာမှာ အိမ်ခြေ ၁၅၅ လုံး ပျက်စီးသွားတယ်လို့သိရပါတယ်။
