ဆိုင်းမင်း/People’s Spring
မန္တလေးမြို့ရဲ့ အရှေ့မြောက်ဘက်မှာရှိတဲ့ ပုသိမ်ကြီးမြို့အနီး ဒီမနက်ပိုင်းက တိုက်ပွဲတွေ စဖြစ်နေပြီး မြို့ပေါ်ရပ်ကွက်တွေကပါ လက်နက်ကြီးပစ်ခတ်သံတွေကြားနေရတယ်လို့ မြို့ခံတွေ ဆီကသိရပါတယ်။
ဒီမနက်ပိုင်း ၆ နာရီ ဝန်းကျင်က ပုသိမ်ကြီးမြို့အနီး မှာ ပစ်ခတ်သံတွေ စတင်ကြားရတာလို့ ပုသိမ်ကြီးမြို့ခံက ပြောပါတယ်။
” အသံကတော့ တော်တော်ကို နီးနီးကပ်ကပ်ပဲ၊ အိမ်တောင်တုန်တယ်”လို့ ပုသိမ်ကြီးမြို့နယ်တရားရုံး အနီးနေထိုင်သူတစ်ဦးကပြောပါတယ်။
တိုက်ပွဲဖြစ်ပွားတဲ့ နေရာအတိအကျကို မသိရသေးပေမယ့် ပစ်ခတ်သံတွေဟာ မန္တလေးမြို့ပေါ်က နေ အတိုင်းသားကြားနေရတယ်လို့သိရပါတယ်။
“မနက်အစောကတည်းက ကြားနေရတာ ၊ နေမြင့်လာလေ ဆက်တိုက်ကို စိပ်လာပြီး ပိုကျယ်လာတယ်”လို့ မန္တလေး နန်းရှေ့မှာ နေထိုင်သူ လူလတ်ပိုင်းအမျိုးသားက ပြောပါတယ်။
ဒီမနက် ၈ နာရီ ၄၁ မိနစ်အချိန်ထိ ပစ်ခတ်သံတွေကြားနေရပြီး တိုက်လေယာဉ် နှစ်စင်း တံတားဦီးလေတပ်က ပျံတက်သွားတယ်လို့ ဒေသခံတွေ ရဲ့ ပြောပြချက်အရသိရပါတယ်။