ရှေ့တန်းတစ်နေရာတွင် မိုင်းမတော်တဆဖြစ်၍ ရဲဘော်အောင်ဇော်ထွန်း (ခ)နောင်ခမ်းအားဆုံးရှုံးခဲ့ရကြောင်း ရှမ်းတောင် (၁၀၀၈)တပ်ရင်းက ယနေ့(မေ ၂၉ ရက်) ထုတ်ပြန်သည်။
ရဲဘော်ကိုနောင်ခမ်းသည် ကလောမြို့ရပ်ကွက် (၁)မှ ဖြစ်ပြီး ၎င်း၏ မိသားစုကို အကြမ်းဖက် စစ်တပ်မှ ယခင်နှစ်လကတည်းကအကြောင်းမဲ့ဖမ်းဆီးထားခဲ့သည်ဟု ဆိုသည်။
ကျဆုံးခဲ့သည့်ရဲဘော်အားသူရဲကောင်းအဖြစ် အသိမှတ်ပြု အလေးနီပြုကြောင်းလည်း ထုတ်ပြန်ချက်၌ ဖော်ပြသည်။
လက်ရှိတွင် ဖယ်ခုံအရှေ့ကမ်း လွယ်ပေါကျေး ရွာအရှေ့တောင်ပေါ် စေတီကုန်းနှင့် လက်ဝါးကပ်တိုင်အနီး တစ်ဝိုက်တွင် တပ်စွဲထားသော တပ်မ(၅၅)ကို ကရင်နီအမျိုးသားများကာကွယ်ရေးတပ်နှင့် ရှမ်းတောင် (၁၀၀၈)တပ်ရင်းတို့ ပူးပေါင်းတိုက်ခိုက်လျှက်ရှိသည်။
စစ်ကောင်စီတပ်က ယခုထိတိုင် လက်နက်ကြီးများဆက်လက်အသုံးပြု၍ တိုက်ပွဲဖြစ်ပွားခြင်း မရှိသော ကျေးရွာတွင်းထိပါ လက်နက်ကြီး များဖြင့် အကြောင်းမဲ့ပစ်ခတ်နေဆဲဖြစ်ကြောင်းလည်းအသိပေးသည်။
