●လက်နက် ၇လက်နှင့်ကျည်များရရှိ၊ စစ်ကူယာဉ်ကို မိုင်းဆွဲတိုက်ခိုက်ရာ စစ်ကောင်စီတပ်မှ သေဆုံးမှုများ
ရေစကြိုမြို့နယ် ဆင်ဖြူရှင်တံတားရှိ စစ်ကောင်စီဂိတ်ကို ယနေ့ နေ့လည်ပိုင်းက ဝင်ရောက်တိုက်ခိုက်ခဲ့ရာ စစ်ကောင်စီဘက်မှ ၃ဦးသေဆုံးပြီး အရှင် ၁ဦး ဖမ်းဆီးရမိခဲ့ကြောင်း ရေစကြို ပြည်သူ့ကာကွယ်ရေးတပ်(PDF) ရဲဘော်တစ်ဦးက ပြောသည်။
“ခွေးသုံးကောင်ကျပြီး ၁ကောင်အရှင်မိတယ်လက်နက်သိမ်းဆည်းရမိတာကတော့ အဲဒီစာရင်းထဲကအတိုင်းပဲ” ဟု PDF ရဲဘော်ကပြောသည်။
![(စစ်ကောင်စီတပ်ထံမှသိမ်းဆည်းရရှိသောလက်နက်ခဲယမ်းများနှင့် တံတားဂိတ်ကို တိုက်ခိုက်မီးရှို့နေစဥ်။ ဓါတ်ပုံ-ရေစကြို PDF)](https://i0.wp.com/www.ludunwayoo.com/wp-content/uploads/2022/06/287218375_398930815629710_5760595910239148679_n.jpg?resize=880%2C495&ssl=1)
ဆင်ဖြူရှင် တံတားသည် မကွေးတိုင်းနှင့် စစ်ကိုင်းတိုင်းအစပ်ရှိပြီး မြစ်တစ်ဖက်ကမ်းစီတွင် ရေစကြိုမြို့နင့် ချောင်းဦးမြို့တို့ ချိတ်ဆက်ပေးထားသောချင်းတွင်းမြစ်ကူးတံတားဖြစ်သည်။တံတားဂိတ်စခန်းကို ယနေ့( ဇွန် ၉ရက် )နေ့လည် ၁၂နာရီတွင် တိုက်ခိုက်ရာ ၁နာရီတွင် သိမ်းပိုက်ရရှိခဲ့သည်ဟု ဆိုသည်။ စစ်ကောင်စီ ဂိတ်စခန်းကို မီးရှို့ဖျက်ဆီးလိုက်ကြောင်းလည်း ၎င်းကဆက်ပြောသည်။
![(စစ်ကောင်စီတပ်ထံမှသိမ်းဆည်းရရှိသောလက်နက်ခဲယမ်းများနှင့် တံတားဂိတ်ကို တိုက်ခိုက်မီးရှို့နေစဥ်။ ဓါတ်ပုံ-ရေစကြို PDF)](https://i0.wp.com/www.ludunwayoo.com/wp-content/uploads/2022/06/287042847_398930855629706_7335728333732709949_n.jpg?resize=880%2C495&ssl=1)
“နောက်ထက်လည်း သူတို့ စစ်ကူလာတဲ့ ကားကို မိုင်းဆွဲထားတာရှိတယ်။ အဲဒါ ကား တစ်စီးလုံး စုတ်ပြတ်သွားတယ်။ မိုင်း ၆လုံးဆွဲထားတာဆိုတော့လေ။ ကားပေါ်မှာရှိတဲ့ ခွေးတွေလည်း အကုန်သေတယ်ပြောတယ်” ဟု PDF ရဲဘော်က ပြောသည်။
ယခင်ကလည်း ရေစကြို PDF အနေဖြင့် စစ်ကောင်စီ ရဲစခန်း ၂ခုကို တိုက်ခိုက်ခဲ့ဖူးသည်။
![(စစ်ကောင်စီတပ်ထံမှသိမ်းဆည်းရရှိသောလက်နက်ခဲယမ်းများနှင့် တံတားဂိတ်ကို တိုက်ခိုက်မီးရှို့နေစဥ်။ ဓါတ်ပုံ-ရေစကြို PDF)](https://i0.wp.com/www.ludunwayoo.com/wp-content/uploads/2022/06/287061445_398930898963035_2823000744712169680_n.jpg?resize=880%2C495&ssl=1)
စစ်ကောင်စီလက်ပါးစေများကို ဆက်လက်တိုက်ခိုက်သွားမည်ဖြစ်၍ ကျန်နေသည့် စစ်ကောင်စီတပ်ဖွဲ့ဝင်များအနေဖြင့် ပြည်သူလူထုနှင့် အမြန်ဆုံးပူးပေါင်းကြရန်လည်း PDFရဲဘော် တိုက်တွန်းသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)