ရန်ကုန်တိုင်း မှော်ဘီမြို့နယ် လေတပ်ဌာနချုပ်ကို လက်လုပ်အဝေးပစ်ရှော့တိုက်မိုင်းသုံးလုံးဖြင့် တိုက်ခိုက်ခဲ့ကြောင်း People Defence Force-Hmawbi မှတာဝန်ရှိသူတစ်ဦးက ပြောသည်။
“အဓိက နေရာတိုက်ခိုက်ချင်တာပါ။လက်နက်ရုံပေါ့။နဲနဲလွဲသွားတယ်။လူကြီးအိမ်ယာဘက်ကျပြီး အကောင်ကြီး အိမ်ဘက်ကျသွားတယ်။ အတိအကျတော့ မသိရဘူး”ဟု ၎င်းက ပြောသည်။
ဒီဇင်ဘာ ၁၇ ရက်ညက တိုက်ခိုက်ခဲ့ခြင်းဖြစ်ပြီး နှစ်လုံးမှာ လေတပ်နံရံကို ထိခိုက်ခဲ့ကာ တစ်လုံးသည် အဓိကနေရာကို တိုက်ခိုက်နိုင်ခဲ့သည်ဟု ယင်းအဖွဲ့က ထုတ်ပြန်ထားသည်။
“မနက်သတင်းကြားတာက လူနာတင်ကား အများကြီး ဝင်သွားတယ်လို့ကြားရတယ်”ဟု ယင်းတိုက်ခိုက်မှုနှင့်ပတ်သက်၍ အထက်ပါတာဝန်ရှိသူက ပြောသည်။
အကြမ်းဖက်စစ်ကောင်စီသည် အညာဒေသနှင့် တိုင်းရင်းသားဒေသများကို လေကြောင်းတိုက်ခိုက်မှုများပြုလုပ်နေသောကြောင့် ယင်းစစ်ဆင်ရေးကို လုပ်ဆောင်ခဲ့ခြင်းဖြစ်သည်ဟု ၎င်းက ဆိုသည်။
“ဆက်တိုက်လုပ်ဆောင်တော့မှာပါ။ပစ္စည်းလိုအပ်ချက်ကြောင့်ခဏ နားနေရတဲ့ သဘောပါပဲ။ကျွန်တော်တို့ကို ပစ္စည်းထောက်ပံ့ပေးဖို့ပဲပြောချင်ပါတယ်။”ဟု ၎င်းက ပြောသည်။
