စက်တင်ဘာ-၄ ၊၂၀၂၅။ဇော်ဝင်း/People’s Spring
မန္တလေးတိုင်း၊မြင်းခြံမြို့နယ် ကုက္ကဲကျေးရွာမှာ တပ်စွဲထားတဲ့ စစ်ကောင်စီတပ်ကိုတိုက်ခိုက်ရာမှာဗိုလ်ကြီးအောင်သောင်းအပါအဝင်ခုနစ်ဦးသေဆုံးပြီးလက်နက်ခဲယမ်းတွေရရှိတယ်လို့ရွှေခြံသားပြောက်ကျားတပ်ဖွဲ့တာဝန် ရှိသူက လူထုနွေဦးကို ပြောပါတယ်။
ကုက္ကဲရွာရဲ့အထက်တန်းကျောင်းခွဲမှာအထိုင်ချတပ်စွဲထားတဲ့စစ်တပ်က ဒေသခံနဲ့ ခရီးသွားပြည်သူတွေကိုဆက်ကြေးကောက်ရာမှာအနိုင်ကျင့်လုယက် နှိပ်စက်နေတာဖြစ်လို့ စက်တင်ဘာ ၂ ရက် နံနက် ၉နာရီခန့်မှာ တိုက်ခိုက်ခဲ့တာလို့ ဆိုပါတယ်။
“ရဲဘော်တစ်ယောက်ကျတယ်။တိုက်ပွဲအတွင်းမြင်းခြံခမရ(၁၅)ကဟောင်ဝစ်ဇာနဲ့ ရမ်းသမ်းပစ်ခတ်တာ တိုက်ပွဲဖြစ်တဲ့ နီးစပ်ရာနေရာတွေကို ဒီနေ့အထိပဲ”လို့ အထက်ပါတာဝန်ရှိသူက ပြောပါတယ်။
Public Service Announcement
ရှေ့ထွက်ပဒေသာမိုင်းတွေနဲ့ ဖောက်ခွဲတိုက်ခိုက်ခဲ့ရာမှာစစ်သားခုနစ်ဦးသေဆုံးပြီး MA3 ခြောက်လက်၊MA5 တစ်လက် ၊ကျည်ဘောက်၂၀၊၊၆၀မမ တစ်လက်နဲ့ ကျည်တွေသိမ်းရတယ်လို့အသိပေးပါတယ်။
ဒါ့အပြင်ဓားငါးချောင်း၊လက်ပစ်ဗုံးနှစ်လုံး၊လေးခွ နှစ်လက်၊ဝက်အူလှည့်တစ်ချောင်း၊ဖုန်း ခုနစ်လုံး၊လက်ပတ်နာရီနှစ်လုံး၊စစ်သုံးဆောင်အများအပြားကိုလည်း သိမ်းဆည်းရရှိတယ်လို့ ဖော်ပြပါတယ်။
“မြင်းခြံ နဲ့ တံတားဦးလမ်းပိုင်းပေါ်ရှိတာ။စကစ အင်အား ၅၀ လောက်ရှိလိမ့်မယ်”လို့ မြင်းခြံမြို့ခံ စစ်ရေးသတင်းရင်းမြစ်က ပြောပါတယ်။
အခုနှစ်ဇူလိုင် ၁၇ရက်ကလည်းကုက္ကဲရွာရဲ့နယ်မြေရဲစခန်းနဲ့စာသင် ကျောင်းမှာ အထိုင်ချတပ်စွဲထားတဲ့ စစ်ကောင်စီတပ်သားတွေတိုက်ခိုက်ခံရဖူးပါတယ်။
အဲဒီတိုက်ခိုက်မှုမှာစစ်သားသုံးဦးသေဆုံးပြီးလက်နက်နှစ်လက်ကိုတော်လှန်ရေးတပ်တွေရရှိခဲ့ပါတယ်။
လက်ရှိစစ်ရေးအခြေအနေအရပြည်သူတွေအနေနဲ့ စစ်တပ်ရဲ့လက်နက် ကြီး၊လေကြောင်းတိုက်ခိုက်မှုတွေကနေသတိရှိရှိနေထိုင်ကြဖို့ရွှေခြံသားပြောက်ကျားတပ်ဖွဲ့ က တိုက်တွန်းပါတယ်။
