WHO မြန်မာရဲ့ ယာဉ်မောင်းအမျိုးသား ရုံးကနေအပြန် သေနတ်နဲ့ပစ်သတ်ခံရ

ကမ္ဘာ့ကျန်းမာရေးအဖွဲ့ကြီး (WHO) ရဲ့ဝန်ထမ်းအမျိုးသားတစ်ဦးဟာ မနေ့က ညနေပိုင်း မော်လမြိုင်မှာ သေနတ်နဲ့ပစ်ခတ်ခံရလို့ သေဆုံးသွားကြောင်း WHO မြန်မာက သတင်းထုတ်ပြန်အသိပေးပါတယ်။

WHO ဝန်ထမ်းမျိုးမင်းထွဋ်ဟာ ရုံးကနေ အိမ်ကို မော်တော်ဆိုင်ကယ်နဲ့အပြန် သံလွင်ဥယျာဉ်လမ်းမှာ သေနတ်နဲ့ပစ်ခတ်ခံလိုက်ရတာပါ။

သေဆုံးသွားတဲ့ ဝန်ထမ်းဟာWHO မြန်မာရုံးမှာ ၅ နှစ်နီးပါး ကားဒရိုင်ဘာအဖြစ် တာဝန်ထမ်းဆောင်ခဲ့သူဖြစ်တယ်လို့သိရပါတယ်။

အသတ်ခံရတဲ့ မျိုးမင်းထွဋ်ဟာ စစ်​ကောင်စီ အတွင်း​ရေးမှူး ဒုတိယဗိုလ်ချုပ်ကြီး​အောင်လင်း​​ဒွေးရဲ့ ​ဆွေးမျိုး​တော်စပ်သူလို့ စစ်ကောင်ရဲတပ်ဖွဲ့ရဲ့ ရင်းမြစ်တစ်ဦးက People’s Spring ကို​ပြောပါတယ်။

“မော်လမြိုင်မှာ မနေ့က ပွဲဆူသွားတဲ့သတင်း။ ဟုတ်တယ်။ အသတ်ခံရတဲ့သူက ဒုဗိုလ်ချုပ်ကြီး အောင်လင်းဒွေးနဲ့ အမျိုးတော်တယ်” ဟုအထက်ပါရဲအရာရှိက​ပြောတယ်။

ဒါအပြင်မျိုးမင်းထွဋ် ဟာ စစ်​ကောင်စီရဲ​တွေနဲ့နီးစပ်ပြီး​မော်လမြိုင်မြို့မှာ ဧည်စာရင်းစစ်ဆေးတာ​တွေမှာ ၊CDM ဝန်ထမ်းမိသားစုဝင်​​တွေကိုခြိမ်း​ခြောက်တာ၊ သက်ငယ်မုဒိန်းမှု​တွေကျူးလွန်းပြီး sex tape နဲ့ခြိမ်း​ခြောက်အကြပ်ကိုင်တက်သူဖြစ်တာ​ကြောင့် ​မော်လမြိုင်မြို့နယ် ပြည်သူ့ကာကွယ်​ရေးအဖွဲ့ (​မော်လမြိုင် PDO)က ဇွန် ၈ရက်မှာ​သေနတ်နဲ့ပစ်ခတ် ရှင်းလင်းခဲ့တာလို့ ထိုအဖွဲ့ကထုတ်ပြန်ထားပါတယ်။