Daha bir SOS siqnalı və İlham Əliyev Azərbaycan dövlətçiliyinə daha hansı məkrli planlar toxuyur?!
Qənimət Zahid
Devrilmiş MTN-nin sonunda hansı qanlı hekayətlərin ortalığa çıxdığını bilirsiz. Dövlətin təhlükəsizlik xidmətinin hansı saxta və cılız ssenarilərə cəlb edildiyi barədə xatirələrin ardı- arası kəsilmir və bir çoxları da «o, MTN idi, indi DTX yaranıb və onun başına peşəkar çekist gətirilib» sözləri ilə yalançı təskinlik saçmağa çalışırlar. Amma DTX da eynilə MTN cığırı ilə hərəkətə davam etməkdədir.
Aprelin 28-də hüquq mühafizə orqalnarı öz salnamələrinə daha bir çirkli hekayəti yazmışdılar. AXCP sədrinin ictimai əsaslarla mühafizəçisi, AXCP üzvü Niyaməddin Əhmədovu qanunsuz həbslə saxlandığı təcridxanadan qanunsuz olaraq götürüb naməlum ünvana aparmış, 12 saat ərzində amansız işgəncələr verib ondan AXCP sədri Əli Kərimlinin əleyhinə hansısa izahatlara imza atmaq tələb edilmişdi.
Bu gün səhər mənə verilən məlumata görə həmin gün Niyaməddin Əhmədovu Dövlət Təhlükəsizlik Xidmətinin işçiləri götürüblər və DTX Xalq Cəbhəsi Partiyasının lideri Əli Kərimliyə qarşı hansısa bulaşıq və dövlət adına yaraşmayan saxta cinayət işi qurmaq niyyətindədir: belə bir göstəriş verilib. DTX sələfindən fərqlənmək niyyətində deyil, orda yeni Çovdarovlar yetişdirmək niyyətində israrlıdır; ölkə müxalifətinə qarşı xüsusi xidmət orqanlarının əməliyyatları da davam edir.
Azərbaycanın vətəndaş cəmiyyəti və siyasi ictimaiyyəti dövlətin resurslarından xuliqanlıqla istifadə cəhdlərinin qarşısını almaq üçün mövqe göstərməlidir. Ölkə, gerçəkdən Şimali Koreya qəlibinə salınmaqdadır!