![](https://i1.wp.com/www.azadliq.info/wp-content/uploads/2020/04/received_266641327824562-1024x548.jpeg)
Rahat evlər mənasını verən tikinti şirkəti başqalarını öz evində narahat edir
Nərimanov rayonu, Montin qəsəbəsi, Mayakovski küçəsi, ev 3 ünvanında yaşayan Hacıyev Sədi Sabir oğlu “Luxe Home”” tikinti şirkətinin özbaşnalığından şikayətçidir. Şirkət onların yaşadığı ərazidə 16 mərtəbəli binaların tikintisini həyata keçirir. Hacıyev Sədinin bildirdiyinə görə yaşadığı evdən çıxmadan, heç bir kompensasiya almadan onun yaşadığı evə bitişik evlər sökülü. Hazırda yaşadığı evin divarları zədələnib.
![](https://i1.wp.com/www.azadliq.info/wp-content/uploads/2020/04/received_264881748017389-1024x576.jpeg)
Hacıyev Sədinin bildirdiyinə görə 2 sot torpaq sahəsindəki 400 kvadrat metr yaşayış sahəsi olan evində onun və yaxın qohumlarının 3 ailəsi yaşayır.
Evdə azyaşlı xəstə işaqların olduğunu qeyd edən şikayətçi söküntü zamanı ağır və dağıdıcı texnikanın vahiməli səsindən uşaqların qorxduğunu, onların psixoloji travma aldığını bildirib. Hətta, yaranmış vəziyyətlə əlaqəli tez-tez təcili tibbi yardıma müraciət etdiklərini də deyib. Daxili İşlər Nazirliyin 102 xidmətinə də müraciət ediblər. Amma onun bildirdiyinə görə 18-ci Polis Bölməsinin əməkdaşları tikinti şirkətinin qarşısını almaqda aciz görünür. Xüsusi karantin dövrü olduğu üçün Hacıyev Sədi daha yüksək orqanlara şikayətlərini çatdıra bilmədiklərini də qeyd edib.
Şikayətçinin deməsinə görə, əraziyə gələn Fövqaladə Hallar Nazirliyinin əməkdaşları da həmin ərazidə yaşayış olduğu halda söküntü və tikinti aparılmasının yolverilməzliyini bildirib.
![](https://i1.wp.com/www.azadliq.info/wp-content/uploads/2020/04/received_252340989243705-1024x576.jpeg)
Həmin ərazidə yaşayan digər qonşular da Hacıyev Sədi ilə həmkir olduqlarını bildirib. Tikinti şirkətinin özbaşnalıq etdiyini qeyd ediblər.
“Luxe Home” Tikinti Şirkətinin “Azərsu” ASC-nin prezidenti Qorxmaz Hüseynovla bağlı olduğu da bildirilib.
![](https://i1.wp.com/www.azadliq.info/wp-content/uploads/2020/04/received_657781821434380-1024x576.jpeg)
Əməkdaşımız ərazidə olarkən ağır texnikanın müşayəti ilə söküntü içlərinin aparılmasının şahidi olub. Söküntüyə nəzarət edən “Luxe Home” şirkətinin əməkdaşı isə münasibət bildirmək istəməyib. Bunun üçün şirkətin məsul şəxsinə müraciət edilməsini deyib. Şirkətin tanıtım lövhəsində göstərilən telefon nömrələri ilə şirkətlə əlaqə saxlamaq mümkün olmayıb. Amma buna baxmayaraq onların mövqe bildirmək hüququ saxlanılır.
azadliq.info