သုည/People’s Spring
စစ်ကိုင်းတိုင်း ယင်းမာပင်မြို့နယ် စျေးတစ်ခု၌ သပိတ်အင်အားစုနှင့် တော်လှန်ပြည်သူများကသံအမတ်ကြီး ဦးကျော်မိုးထွန်းအား ကုလသမဂ္ဂတွင် ဆက်လက်ထားရှိရေး ဆန္ဒပြတောင်းဆိုမှုကို ယနေ့ (စက်တင်ဘာ ၂၉) နံနက်က ပြုလုပ်ခဲ့သည်။
အဆိုပါ တော်လှန်ပြည်သူများက မြန်မာပြည်သူများ၏ ကိုယ်စားပြုဖြစ်သည့် သံအမတ်ကြီး ဦးကျော်မိုးထွန်းကို ကမ္ဘာကုလသမဂ္ဂတွင် ဆက်လက်နေရာထားရှိရေးအတွက် ဆန္ဒပြတောင်းဆိုခဲ့ပြီး ဦးကျော်မိုးထွန်း၏ရုပ်ပုံပါ တီရှပ်များဝတ်ဆင် ဆန္ဒပြခဲ့ကြသည်။
Public Service Announcement
အဆိုပါဆန္ဒပြသပိတ်ကို ယင်းမာပင်-ဆားလင်းကြီး ရွာပေါင်းစုံသပိတ်ကော်မတီဝင်များနှင့် လူငယ့်အားမာန်သပိတ်ကော်မတီဝင်များ ပူးပေါင်းချီတက်ဆန္ဒပြခဲ့ကြပြီး စျေးသူ၊စျေးသား ပြည်သူများက ပူးပေါင်းဝန်းရံခဲ့ကြသည်။
ဓာတ်ပုံ – လူငယ့်အားမာန်သပိတ်စစ်ကြောင်း
