BBC နဲ့ ITV တို့အပြင် အရန်အနေနဲ့ ဗြိတိန်အစိုးရက လွန်ခဲ့တဲ့ ၃၉ နှစ်က စတင်ထုတ်လွှင့်ခဲ့တဲ့ Channel 4 ရုပ်သံကို ရောင်းချဖို့ စီစဉ်နေတယ်လို့ ဗြိတိန်အစိုးရက ဇွန် ၂၃ ရက်မှာ ပြောလိုက်ပါတယ်။

ဒါဟာ ပြည်သူ့ဝန်ဆောင်မှု ရုပ်သံလွှင့်ဌာနအနေနဲ့ ရပ်တည်ရေးအနာဂတ်ကို ကူညီဖို့လို့လည်း ပြောပါတယ်။

ကြော်ငြာငွေနဲ့ ရပ်တည်နေတဲ့ ရုပ်သံလိုင်းဟာ သမားရိုးကျ ရုပ်သံလိုင်းတွေရဲ့ ပရိသတ်တွေ အတွက် စိန်ခေါ်မှုများပြီး ထူးခြားတဲ့ အစီအစဉ်တွေကို ပံ့ပိုးဖို့ တည်ထောင်ထားတာပါ။

ကိုယ်ပိုင်အစီအစဉ်တွေကို ထုတ်လုပ်တာထက်စာရင် Channel 4 ဟာ ထုတ်လုပ်ရေးကုမ္ပဏီ အသစ်တွေဆီက အစီအစဉ်တွေကို ကော်မရှင်ယူပြီး ဗြိတိန်ရဲ့ အောင်မြင်တဲ့ လွတ်လပ်တဲ့ ရုပ်သံထုတ်လုပ်ရေးကဏ္ဍ တည်ထောင်ရေးကို ကူညီပေးနေခဲ့ပါတယ်။

Channel 4 ကတော့ သူဟာ ဘဏ္ဍာရေးအခြေအနေ ကျန်းမာနေပြီး လုပ်ပိုင်ခွင့်အတိုင်း ဖြည့်ဆည်းနေတယ်လို့ ပြောရင်း အစိုးရက ရောင်းဖို့ ရည်ရွယ်ချက်အတွက် မေးခွန်းထုတ်ခဲ့ ပါတယ်။

အစိုးရကတော့ Channel 4 ဟာ မတည်ငြိမ်တဲ့ ကြော်ငြာဈေးကွက်ရဲ့ ဒဏ်အတွက် အတိမ်းအစောင်းမခံတဲ့ အခြေအနေမှာရှိနေခဲ့ပြီး ပုဂ္ဂလိက ပိုင်ဆိုင်မှုကနေ အများပိုင်အဖြစ် ပြောင်းခဲ့ရင် အနာဂတ်က ပိုဘေးကင်းမယ်လို့ ပြောခဲ့ပါတယ်။