ကယားပြည်နယ်အတွင်းက အကြမ်းဖက်စစ်ကောင်စီသတင်းပေး(ဒလန်)လို့ ယူဆရသူ အမျိုးသား ၉ ယောက်နဲ့ အမျိုးသမီး ၁ ယောက်တို့ကို ကရင်နီပြည်ရဲတပ်ဖွဲ့ (KSP)က  သက်ဆိုင်ရာအဖွဲ့တွေနဲ့ ပူးပေါင်းကာ ဖမ်းဆီးရမိခဲ့တယ်လို့ စက်တင်ဘာ ၃၀ ဒီကနေ့မှာ ထုတ်ပြန်ပါတယ်။

အဲ့ဒီလို ဖမ်းဆီးရမိသူ ၁၀ ဦးကို ကရင်နီပြည်ရဲဌာနက စစ်ဆေးမေးမြန်ရာမှာ သက်သေအထောက်အထားပြည့်စုံခိုင်လုံမှု မရှိတဲ့ အမျိုးသား ၄ ယောက်နဲ့ အမျိုးသမီး ၁ ယောက်ကို သက်ဆိုင်ရာမိသားစုတွေထံ ကောင်းမွန်စွာ ပြန်လွှဲပေးအပ်ခဲ့ကာ သက်သေအထောက်အထား ခိုင်လုံတဲ့  တရားခံ ၅ ယောက်ကိုတော့ ကရင်နီပြည်ရဲဌာနအချုပ်မှာ ထိန်းသိမ်းထားကာ လိုအပ်သလို အရေးယူဆောင်ရွက်သွားမယ်လို့ဆိုပါတယ်။

ကရင်နီပြည်ရဲဌာန(KSP)ဟာ ကရင်နီပြည်အတိုင်ပင်ခံကောင်စီရဲ့ လမ်းညွှန်ချက်အရ  CDM ပြည် သူ့ရဲတပ်ဖွဲ့ဝင်တွေနဲ့ ဖွဲ့စည်းထားတာဖြစ်ပါတယ်။