ဖေဖော်ဝါရီလလယ်အထိ ပြည်ထောင်စုအစိုးရကို ရန်ပုံငွေထောက်ပံ့ဖို့ ဥပဒေကြမ်းကို ဒီမိုကရက်တစ် ထိန်းချုပ်ထားတဲ့ အမေရိကန် အထက်လွှတ်တော်က နိုဝင်ဘာ  ၂ ရက်မှာ အတည်ပြုခဲ့ပါတယ်။ 

ဒါကိုအတည်ပြုပြီးစီးဖို့ သတ်မှတ်ထားတဲ့ နောက်ဆုံးအချိန်ဖြစ်တဲ့ ဒီနေ့ညသန်းခေါင်အချိန်ထိ မကျော်ဖြတ်နိုင်ပါက အစိုးရတစ်စိတ်တစ်ပိုင်း ပိတ်ပစ်ရနိုင်တဲ့ အခြေအနေနဲ့ ရင်ဆိုင်ခဲ့ရပါတယ်။

နိုဝင်ဘာ ၃ ရက်နေ့ဟာ အမေရိကန်ပြည်ထောင်စု အစိုးရရဲ့ ရန်ပုံငွေရရှိဖို့ နောက်ဆုံးရက် ဖြစ်တာကြောင့် အကယ်လို့ မအောင်မြင်ခဲ့ပါက တချို့ဌာနတွေကို ပိတ်ပစ်ရမယ့်အကျပ်အတည်းနဲ့ ရင်ဆိုင်ရမှာဖြစ်ပြီး နိုင်ငံအတွက် ကြီးမားတဲ့ စီးပွားရေး ဆုံးရှုံးမှုတွေ ရှိလာမှာဖြစ်ပါတယ်။

၂၀၁၈ နှစ်ကုန်ကနေ ၂၀၁၉ နှစ်စပိုင်းအထိ ၃၅ ရက်ကြာ အစိုးရပိတ်ထားတဲ့အခြေအနေနဲ့ ကြုံခဲ့ရပါသေးတယ်။ 

ဒီနှစ်မှာတော့ ကာကွယ်ဆေးဆိုင်ရာ လုပ်ပိုင်ခွင့်တွေကို ဆန့်ကျင်ကန့်ကွက်မှုမှာ မဲပေး နှောင့်နှေးစေဖို့ ရီပတ်ဘလီကန်တချို့ရဲ့ လုပ်ဆောင်မှုတွေကို ကျော်လွှားခဲ့ရတာပါ။

ရီပတ်ဘလစ်ကန်ဘက်က တဦးတည်း ထောက်ခံမှုနဲ့ ထောက်ခံမဲ ၂၂၁-၂၁၂ နဲ့ အောက်လွှတ်တော်ကနေ အတည်ပြုပြီးပြီးချင်း နာရီပိုင်းအကြာမှာ အထက်လွှတ်တော်က အရေးယူဆောင်ရွက်ခဲ့တာပါ။ 

၆၉ -၂၈ မဲ နဲ့ ဖေဖော်ဝါရီ ၁၈ ရက်အထိ အစိုးရ ရန်ပုံငွေကို လက်ရှိအဆင့်မှာ ရှိနေပြီး နိုဝင်ဘာ ၃ ရက် ညသန်းခေါင်ယံ ရန်ပုံငွေမကုန်ခင်ချိန်ထိ ဒီမိုကရက်တစ်သမ္မတ ဂျိုးဘိုင်ဒင်အတွက် အတိုင်းအတာတစ်ခုအထိ လက်မှတ်ရေးထိုးဖို့ အချိန်များစွာ ရသွားခဲ့ပါပြီ။

ကွန်ဂရက်လွှတ်တော်ဟာ ဒီကိစ္စရဲ့ နောက်ထပ် အရေးပေါ်နောက်ဆုံးရက်ကို ရင်ဆိုင်နေရပါတယ်။ ဖက်ဒရယ်အစိုးရဟာ သူ့ရဲ့ဒေါ်လာ ၂၈ ဒသမ ၉ ထရီလီယံ ချေးယူခွင့် ကန့်သတ်ချက်ကို နီးကပ်လာနေပြီဖြစ်ပြီး ဘဏ္ဍာရေးဌာနကတော့ ဒီဇင်ဘာ ၁၅ ရက်မတိုင်မီအထိ ရောက်ရှိနိုင်မယ်လို့ ခန့်မှန်းထားပါတယ်။ 

အချိန်မီ သက်တမ်းတိုးဖို့ သို့မဟုတ် ကန့်သတ်ချက်ကိုရုတ်သိမ်းဖို့ ပျက်ကွက်ရင် စီးပွားရေးအရ ကပ်ဘေး ဖြစ်စေနိုင်ပါတယ်။ 

ကွန်ဂရက်လွှတ်တော်ဟာ အောက်တိုဘာ ၁ ရက်မှ စတင်ခဲ့တဲ့ ဘဏ္ဍာရေးနှစ်အတွက် အစိုးရလုပ်ငန်းများကို ရန်ပုံငွေထောက်ပံ့တဲ့ နှစ်ပတ်လည် အဆိုပြုချက် ၁၂ စောင်ကို ခုထိ အတည်မပြုရသေးတာကြောင့် အရေးပေါ်ဥပဒေပြုမှုတွေ လိုအပ်နေပါသေးတယ်။