ဆောဒီတွင် နှစ်သစ်ကူးကို မီးရှူးမီးပန်းဖောက် ကြိုဆို
4
ဆော်ဒီအာရေဗျနိုင်ငံမှာ ကိုဗစ်-၁၉ ကြောင့် မနှစ်က အခမ်းအနားကျင်းပတာတွေကို ရပ်ထားခဲ့ပြီးနောက် နှစ်သစ်ကူးညက လူတွေ စည်စည်ကားကား ပြန်သွားလာပြီး မီးရှုးမီးပန်းတွေ ပစ်လွှတ်ခဲ့ပါတယ်။
စားသောက်ဆိုင်၊ စတိုးဆိုင်နဲ့ ဂိမ်းဆိုင်တွေ အများအပြားရှိတဲ့ ရီယာဒ်မြို့တော်လမ်းမ Riyadh City Boulevard မှာ လူတွေ စုဝေးပြီး နှစ်သစ်ကို ကြိုဆိုခဲ့ကြတာပါ။
လူငယ်အများစုက နိုင်ငံခြားတိုင်းပြည်တွေမှာလိုပဲ နှစ်သစ်ကို စိတ်လှုပ်ရှား ပျော်ရွှင်နေကြပေမဲ့ ဖြတ်သွားဖြတ်လာ လူအချို့ကတော့ အစ္စလာမ်ယဉ်ကျေးမှုသန္ဓေတည်ရာ ဘုရင့်နိုင်ငံမှာ အနောက်တိုင်း လူမှုပုံစံတွေ လိုက်လုပ်နေတာ နှစ်မြို့ပုံမရပါဘူး။
ခါလိဒ် အယ်လ် အာမိုဒီ ဆိုသူကတော့ နှစ်သစ်ကူးပွဲလုပ်တာကို ဘာသာရေးရှုထောင့်အရတော့ လက်မခံဘူး၊ ဆော်ဒီနိုင်ငံအတွက် စီးပွားရေးအကျိုးသက်ရောက်မှုရှိမယ်ဆိုရင်တော့ လုပ်ကြပါလို့ ပြောပါတယ်။
