ပုပ်ရဟန်းမင်းကြီးဟောင်း ဘန်နာဒက်ဟာ  ၁၉၇၇ ကနေ ၁၉၈၂ ခုနှစ်အထိ မြူးနစ်ဂိုဏ်းချုပ်တာဝန် ထမ်းဆောင်စဉ်အတွင်း လိင်ပိုင်းဆိုင်ရာ အလွဲအမှားပြုကျင့်တဲ့ ဘာသာရေးခေါင်းဆောင်လေးဦးကို အရေးယူဖို့ ပျက်ကွက်ခဲ့ကြောင်း ဂျာမန်ဥပဒေအကျိုးဆောင်ကုမ္ပဏီတခုရဲ့ အစီရင်စာက ဖော်ထုတ်ခဲ့ပါတယ်။

ဂျာမန်ဥပဒေအကျိုးဆောင်ကုမ္ပဏီ WSW က မြူးနစ်နဲ့ ဖရိုင်းဇင်းမြို့တွေရှိ ကက်သလစ်ဘုရားကျောင်းတွေရဲ့ ၁၉၄၅ နဲ့ ၂၀၁၉ ခုနှစ်အတွင်း အခြားလိင်ပိုင်းဆိုင်ရာ အလွဲပြုကျင့်မှုတွေကိုလည်း စုံစမ်းစစ်ဆေးဖို့ ရောမဗာတီကန်ကျောင်းတော်ကို တောင်းဆိုခဲ့ပါတယ်။ အဲဒီကာလအတွင်း လိင်ပိုင်းဆိုင်ရာ စော်ကားခံရသူ ၄၉၇ ဦးထိ ရှိခဲ့ပြီး အများစုက လူငယ်အမျိုးသားတွေပါ။

၂၀၁၃ က ပုပ်ရဟန်းမင်းရာထူးကနေ အနားယူခဲ့တဲ့ ပုပ်ရဟန်းမင်းကြီးဟောင်း ဘန်နာဒက်က လက်ရှိမှာ အသက် ၉၄ နှစ် ရှိပါပြီ။

ဂျမန်ဥပဒေအကျိုးဆောင်ကုမ္ပဏီရဲ့ လတ်တလော စွပ်စွဲချက်တွေကို တစုံတရာတုံ့ပြန်ခြင်း မရှိသေးပေမဲ့ ယခင်ကတော့ စွပ်စွဲချက်အားလုံးကို ပုပ်ရဟန်းမင်းကြီးက ငြင်းဆန်ခဲ့ပါတယ်။

ရောမဗာတီကန်ဂိုဏ်းချုပ်ကတော့ ဂျာမန်ဥပဒေအကျိုးဆောင်ကုမ္ပဏီရဲ့ စွပ်စွဲမှုတွေကို ပြန်လည် စစ်ဆေးသွားမှာ ဖြစ်ပါတယ်။