တရုတ်နိုင်ငံခြားရေးဝန်ကြီးဌာနက ကုလသမဂ္ဂလူ့အခွင့်အရေးဆိုင်ရာ မဟာမင်းကြီးကို ၂၀၂၂ နှစ်လယ်အတွင်း ရှင်းကျန်းပြည်နယ်ကို လာရောက်ကြည့်ရှုဖို့ ဖိတ်ကြားခဲ့ပေမဲ့ နိုင်ငံရေး ခြယ်လှယ် အသုံးချမှု မလုပ်ဖို့တော့ သတိပေးလိုက်ပါတယ်။ 

ဇန်နဝါရီ ၂၈ ရက်က တရုတ်နိုင်ငံခြားရေးဝန်ကြီးဌာန သတင်းစာရှင်းလင်းပွဲမှာ ပြောရေးဆိုခွင့်ရှိသူ ကျောက်လိကျန်းက “မဟာမင်းကြီး မစ္စမစ်ရှဲလ်ဘက်ချ်လတ် လာရောက်မှုကို တရုတ်က ကြိုဆိုပါတယ်။ ကျနော်တို့ ဖိတ်ကြားထားပြီး၊ နှစ်ဘက်စလုံး ပုံမှန်ဆက်ဆံရေးရှိဖို့နဲ့ ပူးပေါင်း ဆောင်ရွက်ဖို့ သဘောတူပါတယ်။ ဒါပေမဲ့ ဒီခရီးစဉ်ကို နိုင်ငံရေးအမြတ်ထုတ် လှည့်စား အသုံးချလာမှုမှန်သမျှကိုတော့ တရုတ်က ဆန့်ကျင်မှာပါ”ဟုပြောပါတယ်။

တရုတ်အနောက်မြောက် ရှင်ကျင်း ဒေသဟာ လူနည်းစု ဝိဂါမွတ်ဆလင်တွေအပေါ် ဆိုးရွားတဲ့ လူ့အခွင့်အရေး ချိုးဖောက်မှုတွေ ရှိနေတယ်လို့ အနောက်အုပ်စုက စွပ်စွဲထားတာပါ။

ဇန်နဝါရီ ၂၇ ရက် South China Morning Post သတင်းစာမှာတော့ ပေကျင်း ဆောင်းရာသီအိုလံပစ်ပွဲပြီးရင် မဟာမင်းကြီး ဝင်ခွင့်ရနိုင်တယ်လို့ ဖော်ပြပါတယ်။