တောင်အာဖရိက ရဲတပ်ဖွဲ့ဟာ နာရီပိုင်းအတွင်း လူ ၁၉ ဦးထက်မနည်း သေဆုံးတဲ့ ပစ်ခတ်မှု နှစ်ခုအတွက် သံသယရှိသူတွေကို ရှာဖွေနေပါတယ်။

ဇူလိုင် ၉ ရက်ညနေပိုင်းက ပေးတာမာရစ်ဇ်ဘာ့ဂ် ဒေသက ဒေသန္တရ စားသောက်ဆိုင်တခုမှာ ပစ်ခတ်မှုကြောင့် လူ ၄ ယောက်သေဆုံးပြီး ၈ ယောက် ဒဏ်ရာရခဲ့တာပါ။

ဂျိုဟန်နက်စ်ဘက်မြို့ ဆိုဝီတိုမြို့နယ်က နမ်ဇာမိုပါ့ခ်ရပ်ကွက်အတွင်း ဘားတခုမှာလည်း ဇူလိုင် ၁၀ ရက် အစောပိုင်းက ဒုတိယအကြိမ် ပစ်ခတ်မှုကြောင့် လူ ၁၅  ယောက်သေဆုံးပြီး ၉ ယောက် ဒဏ်ရာရခဲ့ပါတယ်။

ပစ်ခတ်မှုတွေအတွက် အမည်မသိ သံသယရှိသူ အရေအတွက်ကိုသိဖို့  ရဲတပ်ဖွဲ့က သဲလွန်စတွေကို ရှာနေပါတယ်။ 

ဇူလိုင် ၁၀ ရက် မနက်အစောပိုင်းမှာ ရိုင်ဖယ်သေနတ်တွေနဲ့ ၉ မမ ပစ္စတိုသေနတ်တွေကို ကိုင်ဆောင်ထားတဲ့ အမျိုးသားတစုဟာ ဆိုဝီတိုမြို့က စားသောက်ဆိုင်ထဲ ဝင်လာပြီး အထဲမှာ ထိုင်နေတဲ့ ဧည့်သည်တွေကို ကြုံသလို ပစ်ခတ်ခဲ့တယ်လို့ မျက်မြင်သက်သေတွေနဲ့ ရဲတပ်ဖွဲ့က ပြောပါတယ်။

“အနည်းဆုံးပြောရမယ်ဆိုရင် ဒါဟာ လျော့ပါးသွားနိုင်တဲ့ ဘေးအန္တရာယ်တခုပါပဲ။ မှုခင်း ပညာရပ်က ဒီပစ်ခတ်မှုအတွက် နောက်ကွယ်က အကြောင်းရင်းကို ပေးမယ်လို့ မျှော်လင့်တယ်။ ခုတော့ လတ်တလောမှာ အကြောင်းရင်းကို မရှိနေဘူး” လို့  ဆိုဝီတိုမြို့နယ် နမ်ဇာမို ပတ်ခ် ရပ်ကွက် ၃၀ က ကောင်စီဝင် မိုဟောင် မိုလေဖေက ပြောပါတယ်။

"တောင်အာဖရိကမှာ အပတ်တိုင်း သေနတ်နဲ့ ပစ်ခံရတာက ရွံစရာကောင်းတယ်။ တောင်အာဖရိကမှာ အပတ်တိုင်း လူသေတယ်ဆိုတဲ့ အယူအဆကို ငါတို့ ပုံမှန်ပြန်လုပ်ပြီး လူတွေကို သင်္ဂြိုဟ်နေရတာက ရွံစရာကောင်းတယ်။ အရမ်း ဝမ်းနည်းစရာကောင်းပါတယ်” လို့ ဒေသခံ တက်ကြွလှုပ်ရှားသူ အန်လှန်လှာ ဒီလာမီနီက ပြောပါတယ်။

လူနေရပ်ကွက်တွေနဲ့ မြို့နယ်တွေမှာ တရားမ၀င် သောက်ရေသန့် စက်ရုံတွေကို ပိုအနီးကပ် စောင့်ကြည့်ဖို့ ဒါမှမဟုတ် လုံးဝပိတ်ဖို့ ဒေသခံတွေက တောင်းဆိုနေကြပါတယ်။