အီကွေဒေါနိုင်ငံ၊ ဆန်တိုဒိုမင်ဂိုမြို့ရှိ အကျဉ်းထောင်တစ်ခုမှာ ဇူလိုင် ၁၈ ရက်က အကြမ်းဖက်မှု တစ်ခုဖြစ်ပွားခဲ့ပြီး အကျဉ်းသား ၁၃ ယောက် သေဆုံးခဲ့ကြောင်း အီကွေဒေါအကျဉ်းထောင် အေဂျင်စီက ပြောပါတယ်။

အန်ဒီယန်နိုင်ငံအတွင်း လူအသေအပျောက်များတဲ့ ထောင်တွင်းအကြမ်းဖက်မှု နောက်ဆုံးဖြစ်ရပ် လို့ ဆိုပါတယ်။

နယ်မြေထိန်းချုပ်မှုနဲ့ မူးယစ်ဆေးဝါး ရောင်းဝယ်ဖောက်ကားမှု လမ်းကြောင်းတွေနဲ့ပတ်သက်ပြီး ဂိုဏ်းတွေအကြား တိုက်ခိုက်မှု ထောင်တွင်းအကြမ်းဖက်မှုတွေကို ကွန်ဆာဗေးတစ်သမ္မတ ဂွီလာမို လာ့ဆိုရဲ့ အစိုးရက အသိအမှတ် ပြုထားပါတယ်။ 

မနှစ်က အီကွေဒေါနိုင်ငံတဝန်းရှိ  အကျဉ်းထောင်အသီးသီးရှိ အဓိကရုဏ်းတွေအတွင်း အကျဉ်းသား ၃၁၆ ဦး သေဆုံးခဲ့ပါတယ်။ 

ရဲနဲ့ လက်နက်ကိုင်တပ်ဖွဲ့တွေဟာ အချုပ်ခန်းကို ပြန်သိမ်းပိုက်နိုင်ခဲ့ကြောင်း SNAI  အကျဉ်းထောင်အေဂျင်စီက တွစ်တာမှာ ပြောကြားခဲ့ပါတယ်။  အစောပိုင်းကတော့ ဒီအဖြစ်အပျက်ကို “အငြင်းပွားမှု” လို့ ခေါ်ဆိုခဲ့ပါတယ်။

နိုင်ငံရဲ့အကျဉ်းထောင်တွေမှာ လူပေါင်း ၃၃,၉၀၀ လောက်ရှိပြီး အမြင့်ဆုံး ပမာဏထက် ၁၂ ဒသမ ၅ ရာခိုင်နှုန်း ကျော်လွန်နေကြောင်း တရားဝင် ကိန်းဂဏန်းတွေအရ သိရပါတယ်။