ဥရောပ ၄၄  နိုင်ငံမှ ခေါင်းဆောင်တွေ အတူတက်ရောက်မယ့် တိုးချဲ့ အီးယူထိပ်သီးအစည်းအဝေးကို ချက်သမ္မတနိုင်ငံမြို့တော် ပရာ့ဂ်မှာ အောက်တိုဘာ ၇ ရက်နေ့စတင်ကျင်းပဖို့ရှိနေတာကြောင့် လုံခြုံရေးတင်းကျပ်ထားပါတယ်။

ကျပ်အတည်းပေါင်းများစွာထဲ နစ်မြုပ်နေတဲ့ ဥရောပတိုက်အတွင်း စည်းလုံးညီညွတ်မှုကို  ပြသတဲ့အနေနဲ့ ခေါင်းဆောင်တွေဟာ ဥရောပ နိုင်ငံရေးအသိုက်အဝန်း (EPC) ရဲ့ ထိပ်သီးအစည်းအဝေး ဖွင့်ပွဲအတွက် ချက်နိုင်ငံမြို့တော်မှာ စုဝေးကြမှာဖြစ်ပါတယ်။

ပြင်သစ်သမ္မတ အီမန်နျူယယ် မက်ခွန်းရဲ့  စိတ်ကူးစိတ်သန်းအတိုင်း ဥရောပနိုင်ငံရေးအသိုက်အဝန်း (EPC) မှာ ဥရောပသမဂ္ဂ အဖွဲ့ဝင် ၂၇ နိုင်ငံနဲ့ အစုအဖွဲ့မှာ ပါဝင်ဖို့ စောင့်ဆိုင်းနေတဲ့ နိုင်ငံတွေ အပါအဝင် တခြား ၁၇ နိုင်ငံအပြင် အီးယူကနေ ထွက်သွားတဲ့ တနိုင်ငံတည်းသော ဗြိတိန် တို့ ပါဝင်ပါတယ်။

ပရာ့ဂ်မှာ ခေါင်းဆောင်အများအပြား စုဝေးတာဟာ ရုရှားသမ္မတ ဗလာဒီမာပူတင်ကို သူ့ရဲ့ ဖေဖော်ဝါရီလက ယူကရိန်းကို ကျူးကျော်မှုအပြီးမှာ ဆန့်ကျင်ဥပေက္ခာပြုလိုက်တာဖြစ်ကြောင်း အလွန်ပြင်းထန်တဲ့ အချက်ပြမှုတရပ်ကို ပေးပို့လိုက်တာပဲ လို့ EU သံတမန်တစ်ဦးက ပြောပါတယ်။

ရုရှား မပါဝင်တဲ့ ဥရောပကလပ်အသစ်ရဲ့ ပရာ့ဂ်မြို့က အစည်းအဝေးမှာ ရုရှားကို ခေါင်းဆောင်တွေက တစည်းတလုံးတည်း ဆန့်ကျင်တယ်လို့ ပြောပါတယ်။