ကွင်းလယ်ဒိုင်လူကြီးကို ကန်ကြောက်ခဲ့တဲ့ ဆီးရီးယားနောက်ခံလူ အာမက် အယ်ဆာလက်ကို တစ်သက်တာ ပွဲပယ်ပြစ်ဒဏ်ချမှတ်လိုက်ပါတယ်။

ပြီးခဲ့တဲ့သောကြာနေ့က ကစားခဲ့တဲ့အယ်လ်ဂျာရစ်နဲ့ အယ်လ်ဝဂ်ဘာအသင်းတို့ပွဲစဉ်မှာ အယ်လ်ဂျာရစ်နောက်ခံလူ အာမက်အယ်ဆာလက်က တိုက်ရိုက် အနီကတ် ပြထုတ်ပယ်ခံရပြီးနောက် ဒိုင်လူကြီးကို နှစ်ကြိမ်ကန်ကြောက်ခဲ့တာပါ။ 

ပြစ်ဒဏ်ဘောမပေးတဲ့ကိစ္စနဲ့ ပတ်သက်ပြီး ဒိုင်လူကြီးကို ခေါင်းနဲ့တိုက်ခဲ့သလို တံတွေးနဲ့ပါ ထွေးခဲ့တာကြောင့် အနီကတ်ပြသခံခဲ့ရတာပါ။

အဲဒီ နောက်နှစ်ကြိမ်ဆက် ကန်ကြောက်ခဲ့သလို ပွဲအပြီး အဝတ်လဲခန်းမှာလည်း ကွင်းလယ်ဒိုင်ကို ဆဲဆိုခဲ့တယ်လို့ သိရပါတယ်။ 

အသက်၃၃နှစ်ရှိပြီဖြစ်တဲ့ ဆီးရီးယားလက်ရွေးစင် အသင်းခေါင်းဆောင်ဟောင်းဟာ တစ်သက်တာ ပွဲပယ်ပြစ်ဒဏ် ချမှတ်ခံရမှုအပေါ် အယူခံဝင်ခွင့်မရှိကြောင်းလည်း ဆီးရီးယားအက်ဖ်အေက သတင်း ထုတ်ပြန်ခဲ့ပါတယ်။