ဗြိတိန်ဘုရင်ချားလ်စ်နဲ့ ဖလှယ်တဲ့စာတွေဟာ ဘုရင်နန်းတက်ပွဲကို မတက်ဖို့ သူ့ဆုံးဖြတ်ချက်ရဲ့ နောက်ကွယ်မှာ အကြောင်းရင်းအနေနဲ့ ပါဝင်နေတယ်ဆိုတဲ့သတင်းအတွက် ဗြိတိန်တော်ဝင်မင်းသား ဟယ်ရီရဲ့ ဇနီး မီဂံက ဗြိတိန်မီဒီယာတွေကို ဝေဖန်လိုက်ပါတယ်။

မီဂံဟာ ဗြိတိန်တော်ဝင်မိသားစုအတွင်း မသိစိတ်က ဘက်လိုက်မှုတွေနဲ့ ပတ်သက်ပြီး စိုးရိမ်ပူပန်မှုတွေကို ဖော်ပြဖို့ ချားလ်စ် ဘုရင်ဆီ စာရေးခဲ့တယ်လို့ ဒေးလီးတယ်လီဂရပ်ဖ် သတင်းစာက ဖော်ပြခဲ့တာပါ။

သားဖြစ်သူရဲ့ အသားအရေ မည်းနက်လာမှာကို တော်ဝင်မိသားစုအတွင်း စိုးရိမ်နေကြတယ်လို့ အော်ပရာဝင်းဖရေးနဲ့ လူတွေ့မေးမြန်းခန်းအတွင်း ပြောအပြီး မကြာခင်မှာပဲ ဒီစာကို တော်ဝင် မိသားစုဆီ ပေးပို့ခဲ့ပေမဲ့ ဆပ်ဆက်စ် မြို့စားကတော်ဟာ သူ့ရဲ့ စိုးရိမ်မှုတွေအတွက် ကျေနပ်လောက်တဲ့တုံ့ပြန်မှု မရသလိုမျိုး ခံစားရတယ်လို့လည်း သတင်းစာက ရေးပါတယ်။

ဆပ်ဆက်စ် မြို့စားကတော်ဟာ လွန်ခဲ့တဲ့ လေးနှစ်က ပြောစကားနဲ့ ပတ်သက်ပြီး လွန်ခဲ့တဲ့ နှစ်နှစ်က စာအဆက်အသွယ် အကြောင်း မစဉ်းစားဘဲ လက်ရှိမှာ သူ့ဘဝကို လျှောက်လှမ်း နေပါတယ် လို့ မီဂံရဲ့ ပြောရေးဆိုခွင့်ရှိသူက ပြောခဲ့ပါတယ်။

"မဟုတ်ရင် ဘယ်အကြံပြုချက်မဆို မှားယွင်းပြီး ရိုးရိုးသားသား ရယ်စရာကောင်းမှာပါ။ သူတို့ဟာသူတို့ ဖန်တီးနေတဲ့ ခြေကုန်လက်ပမ်းကျနေတဲ့ လုပ်ဇာတ်တွေကို ရပ်တန့်ဖို့ အတင်းအဖျင်း မီဒီယာတွေနဲ့  တော်ဝင်သတင်းထောက် အသီးသီးကို အားပေးပါတယ်။. 

ဟယ်ရီတို့ ဇနီးမောင်နှံရဲ့ ကလေးနှစ်ယောက်နဲ့အတူ ကယ်လီဖိုးနီးယားမှာ ရှိနေပေမဲ့ မီဂံမပါဘဲ မင်းသားဟယ်ရီဟာ လာမယ့်လမှာ ဖခင်ရဲ့ နန်းတက်ပွဲသို့ တက်ရောက်မှာပါ။

သူတို့ရဲ့ အကြီးဆုံးသား အာချေးဟာ အဲဒိနေ့မှာ အသက် လေးနှစ်ပြည့်မှာပါ။ ဟယ်ရီနဲ့ မီဂံတို့ဟာ ၂၀၂၀ ပြည့်နှစ် မတ်လမှာ တော်ဝင်တာဝန်တွေကနေ နုတ်ထွက်ခဲ့ပါတယ်။ သူတို့ဟာ မီဒီယာတွေရဲ့ အနှောင့်အယှက်ကနေ ကင်းဝေးပြီး အမေရိကန်နိုင်ငံမှာ ဘဝသစ်တွေ ဖန်တီးချင်တယ်လို့ ပြောထားပါတယ်။