ကချင်ပြည်နယ်၊ မြစ်ကြီးနားမြို့မှာ နိုင်ငံရေးတက်ကြွလှုပ်ရှားသူ ကချင်လူငယ် မဆိုင်းနူးပန်နဲ့ ကိုလွမ်းဇောင်းတို့နှစ်ဦးကို စစ်ကောင်စီအကြမ်းဖက်တပ်ဖွဲ့ဝင်တွေက ကားနဲ့ဝင်တိုက်ပြီး ဒီကနေ့ မေလ ၂၁ ရက် နေ့လည်ပိုင်းက ဖမ်းဆီးလိုက်ပါတယ်။
ဒီနေ့လည်ပိုင်း ၁၂ နာရီလောက်က အဘိုးဖြစ်သူရဲ့ နာရေးပို့ဆောင်ပြီး ပြန်အလာ ၈ မိုင်ကျေးရွာ ဘောလုံးကွင်းအနီးမှာ မဆိုင်းနူးပန်နဲ့ ကိုလွမ်းဇောင်းတို့ စီးလာတဲ့ကားကို ရဲနဲ့ စစ်သားတွေက သေနတ်နဲ့ပစ်၊ ကားသုံးလေးစီးနဲ့ ဝင်တိုက် ပိတ်ဆို့ပြီး ဖမ်းဆီးသွားခဲ့တာလို့ မဆိုင်းနူးပန်းရဲ့ မောင်ဖြစ်သူက ပြောပါတယ်။
ဆိုင်းနူးပန်းနဲ့ ကိုလွမ်းဇောင်းတို့ကို စစ်ကောင်စီက ပုဒ် ၅၀၅ (က) နဲ့ ဖမ်းဝရမ်းထုတ်ခံထားတာဖြစ်ပြီး မြစ်ကြီးနားဆန္ဒပြပွဲတွေနဲ့ ပတ်သက်လို့ ဦးဆောင်သူတွေအဖြစ်သတ်မှတ် ဖမ်းဆီးတာ ဖြစ်နိုင်တယ်လို့ နီးစပ်သူတစ်ဦးက ပြောပါတယ်။
ဒီကနေ့ အကြမ်းဖက် ဖမ်းဆီးခံရမှုမှာ သူတို့ ၂ ဦး အပြင် နောက်တဦးလည်း ဖမ်းဆီးခံခဲ့ရတယ်လို့ မျက်မြင်တွေ့ရှိသူက ပြောပါတယ်။
