မြန်မာနိုင်ငံကိုလာရောကင်ပြီး အာဏာသိမ်း စစ်ခေါင်းဆောင် မင်းအောင်လှိုင်နဲ့ လာရောက်တွေ့ဆုံမယ့် ကမ္ဘောဒီးယားဝန်ကြီးချုပ် ဟွမ်ဆန်ရဲ့ ဓာတ်ပုံကို စစ်ကိုင်းတိုင်း ကလေးမြို့ ပြည်သူတွေ ဇန်နဝါရီ ၅ ရက်က မီးရှို့ဆန္ဒပြခဲ့ကြပါတယ်။
ကလေးမြို့ကပြည်သူတွေက “စစ်အာဏာရှင်နဲ့ ပူးပေါင်းသူမှန်သမျှ ဆန့်ကျင်ကြ” ဆိုတဲ့ ကြွေးကြော်သံပိုစတာတွေ ကိုင်ဆောင်ပြီး ဆန္ဒထုတ်ဖော်ခဲ့ကြသလို ကမ္ဘောဒီးယားဝန်ကြီးချုပ် ဟွမ်ဆန်ရဲ့ ဓာတ်ပုံကိုလည်း မီးရှို့ခဲ့ကြပါတယ်။
ကမ္ဘောဒီးယားဝန်ကြီးချုပ်ရဲ့ မြန်မာပြည်ခရီးစဉ်ဟာ အာဏာရှင်အချင်းချင်း အကျိုးစီးပွား မြှင့်တင်ရေး ခရီးစဉ်လို့ NUG ရဲ့အာဆီယံ သံအမတ်ကြီးနဲ့ နိုင်ငံရေး အကဲခတ်သူတွေက သုံးသပ်ထားပါတယ်။
ကမ္ဘောဒီးယားဝန်ကြီးချုပ်ဟာ မြန်မာပြည်ကို ဇန်နဝါရီ ၇ ရက်နေ့ လာရောက်မှာဖြစ်ပြီး ခရီးစဉ်က နှစ်ရက်ကြာမြင့်မှာဖြစ်ပါတယ်။
