ဧရာဝတီတိုင်း၊ ပုသိမ်မြို့၊ ကမ်းနားလမ်းရှိ စစ်ကောင်စီသင်္ကြန်မဏ္ဍပ်နားမှာ  ဧပြီ ၁၁ ရက် ည ၇ နာရီ ၁၅ မိနစ်လောက်က ဗုံးပေါက်ကွဲမှုဖြစ်ပွားခဲ့တယ်လို့ ဒေသခံတွေက ပြောပါတယ်။

ဗုံးဖောက်ခွဲမှုကို သတိပေးတဲ့အနေနဲ့သာ ဖောက်ခွဲခဲ့တာလို့ ပုသိမ်မြို့ပြပြောက်ကျားတပ်ဖွဲ့ရဲ့ တာဝန်ရှိသူက ပြောပါတယ်။

“သူတို့က သင်္ကြန်ကိုစည်ကားအောင် လုံခြုံရေး အထပ်ထပ်ချပြီးလုပ်နေတဲ့ နေရာကို သတိပေးတဲ့ အနေနဲ့ဖောက်ခွဲခဲ့တာပါ။” 

ဗုံးပေါက်ကွဲပြီးနောက်ပိုင်း ပြည်သူတွေ ပြေးလွှာနေချိန်မှာ စစ်ကောင်စီတပ်ဘက်က သေနတ်နဲ့ ၁၀ ချက်ထက်မနည်း ရမ်းသန်းပစ်ခတ်ခဲ့တယ်လို့ ဆိုပါတယ်။

ပုသိမ်မြို့ ကမ်းနားလမ်းမှာ ဗုံး ၂ ကြိမ်ပေါက်ကွဲတဲ့ အသံကြားရပြီး အပြန်အလှန်ပစ်ခတ်သလိုမျိုး သေနတ်သံတွေလည်း ဆက်တိုက်ကြားရတယ်လို့ ဒေသခံတွေက ပြောပါတယ်။

ပုသိမ်မြို့မှာ ဧပြီ ပထမပတ်ထဲမှာလည်း စစ်ကောင်စီ တပ်သားတွေ ကင်းစောင့်နေတဲ့ မြန်မာ့စီးပွားရေးဘဏ်ရှေ့ ဗုံး ၂ လုံးပေါက်ကွဲခဲ့သေးတယ်လို့ ဆိုပါတယ်။

ရန်ကုန်နဲ့ ဒလမြို့နယ်ကို ဖြတ်သန်းတံတားထိုးနေတဲ့ ဒလတံတားစီမံကိန်းမှာ သံမဏိရက်မတွေ တပ်ဆင်မှာဖြစ်တဲ့အတွက် ကမ်းနားလမ်းသစ်ရဲ့ ပန်းဆိုးတန်းလမ်းနဲ့ အလုံမြို့နယ် စံပယ်လမ်းထိပ်တို့ကြားက လမ်းပိုင်းတွေကို ၆ ရက်ကြာ ယာယီပိတ်ထားမယ်လို့ မြန်မာ့ဆိပ်ကမ်းအာဏာပိုင်အဖွဲ့ (MPA) က ကြေညာထားပါတယ်။

အဆိုပါ ရန်ကုန်-ဒလ တံတားစီမံကိန်းဟာ အရှည်မီတာ ၁,၈၆၈၊ အကျယ် ၂၆ ဒသမ ၅ မီတာရှိ လေးလမ်းသွား တံတားတစင်းဖြစ်ပြီး ၂၀၁၈ခုနှစ် ဒီဇင်လာလက စတင်ခဲ့ကာ တောင်ကိုရီးယားနိုင်ငံရဲ့ EDCF ချေးငွေနဲ့ ဆောက်လုပ်နေတာပါ။

ဆိပ်ကမ်းအဖွဲ့ရဲ့ ကြေညာချက်မှာ တည်ဆောက်ရေးစီမံကိန်းရဲ့ ဆင်ခြေလျှောတံတားတွေ ဖြစ်တဲ့ Ramp A၊ Ramp B တံတားတွေပေါ်မှာ ကမ်းနားလမ်းသစ်ကို ဖြတ်သန်းပြီး သံမဏိရက်မတွေကို တပ်ဆင်ရမှာဖြစ်တာကြောင့် အန္တရာယ်ကင်းရှင်းရေးအတွက် အစိုးရရုံးပိတ်ရက်အတိုင်း ၆ ရက်ကြာ ယာယီပိတ်ထားမယ်လို့ ဆိုပါတယ်။

မတ်လ ၁၈ ရက်၊ ၁၉ ရက်၊ ၂၃ ရက်၊ ၂၅ ရက်၊ ၂၆ ရက်နဲ့ ၂၇ ရက်တို့မှာ ကမ်းနားလမ်းသစ် ဖြတ်သန်းခွင့် ယာယီပိတ်ထားမှာလို့ သိရပြီး ဆိပ်ကမ်းတံတားတွေကိုဝင်မယ့် ကုန်တင်ကားတွေကို ကမ်းနားလမ်းကို အသုံးပြုဖို့ ပြောထားတာ တွေ့ရပါတယ်။

MPA အနေနဲ့ သင်္ကြန်ကာလ နှစ်သစ်ကူးရုံးပိတ်ရက် (ဧပြီ ၉ မှ ၁၇ ရက်) တွေမှာ ကုန်စည်စီးဆင်းမှု ပုံမှန်အတိုင်း လည်ပတ်နိုင်ဖို့ ဆိပ်ကမ်းတံတား၊ ဆိပ်ကမ်းဝန်ဆောင်မှုတွေကို ပိတ်ရက်မရှိ ဆောင်ရွက်ပေးမယ်လို့ သိရပါတယ်။