စစ်ကိုင်းတိုင်း၊ အရာတော်မြို့နယ်၊ ကမ်းဖြူရွာမကျေးရွာမှာ တပ်စွဲထားတဲ့ စစ်ကောင်စီ တပ်ဖွဲ့ဝင်တွေကို စက်တင်ဘာ ၆ ရက် ညနေ ၅ နာရီလောက်က ဒေသကာကွယ်ရေး ပူးပေါင်းအဖွဲ့က ဒရုန်းနဲ့ ဗုံးသီးချ တိုက်ခိုက်ခဲ့သလို မြေပြင်ကနေလည်း ဗုံးပစ်လောင်ချာနဲ့ ပစ်ခတ်တိုက်ခိုက်ခဲ့တယ်လို့ Zero ပြောက်ကျားတပ်ဖွဲ့ (မြင်းခြံ) က ထုတ်ပြန်ထားပါတယ်။
စစ်ကောင်စီတပ်ဖွဲ့ဟာ အင်အား ၄၀ ခန့်နဲ့ ကမ်းဖြူ (ရွာမ) ကျေးရွာ ဘုန်းကြီးကျောင်းမှာ တပ်စွဲထားတာဖြစ်ပြီး တိုက်ခိုက်မှုအတွင်း စစ်သားနှစ်ယောက် သေဆုံးသွားတယ်လို့ ဆိုပါတယ်။
Zero ပြောက်ကျားတပ်ဖွဲ့ (မြင်းခြံ) တာဝန်ရှိသူက “ဝေဟင်ကနေ ဗုံးသီးတလုံး ပစ်ချတယ်။ မြေပြင်ကနေလည်း ၄၀ မမနဲ့ ပစ်ခတ်တိုက်ခိုက်ခဲ့တယ်။ အဲ့ဒီမှာ စကစတပ်သား ၂ ယောက် သေတယ်။ ၁၀ ယောက် ဒဏ်ရာရတယ်။ ကမ်းဖြူရွာမှာ စစ်ကောင်စီတပ်ဖွဲ့က အမြဲတပ်စွဲထားတာတော့ မဟုတ်ဘူး၊ ခေါက်တုန့်ခေါက်ပြန် ဝင်ထွက်သွားလာတာမျိုးတော့ ရှိတယ်” လို့ ပြောပါတယ်။
အဲ့ဒီတိုက်ခိုက်မှုကို Zero ပြောက်ကျားတပ်ဖွဲ့ (မြင်းခြံ)၊ Zero Power တော်လှန်ရေးအင်အားစု (စစ်ကိုင်း) နဲ့ Danger Force Eagle Local PDF တို့ ပူးပေါင်းကာ “တောကျီးကန်းစစ်ဆင်ရေး” ကို ဂုဏ်ပြုတိုက်ခိုက်ခဲ့တာဖြစ်လို့ ထုတ်ပြန်ချက်မှာ ပါရှိပါတယ်။
ပြီးခဲ့တဲ့ ဩဂုတ် ၁၃ ရက် မနက်ကလည်း ကမ်းဖြူ (အရှေ့ရွာ) မှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေကို ဒေသကာကွယ်ရေး ပူးပေါင်းအဖွဲ့က ဒရုန်းနဲ့ ဗုံးသီးချ တိုက်ခိုက်ခဲ့လို့ စစ်သား ၅ ယောက်သေဆုံးပြီး ၄ ယောက် အပြင်းအထန် ဒဏ်ရာရသွားတယ်လို့ သိရပါတယ်။
ရေစကြိုမြို့ကမ်းဖြူကျေးရွာ ကျောင်းအနီးမှာ နိုဝင်ဘာ ၇ ရက်နေ့ ည ၉ နာရီလောက်က ပေါက်ကွဲမှု နှစ်ကြိမ်ဖြစ်ပွားခဲ့တယ်လို့ ကျေးရွာဒေသခံတွေဆီက သိရပါတယ်။
ကမ်းဖြူကျေးရွာ ချင်းတွင်းမြစ်ကမ်းဘေးမှာ တည်ရှိတာဖြစ်ပြီး အထက်တန်းကျောင်းရှိတဲ့ ကျေးရွာဖြစ်ပါတယ်။
ကျေးရွာဒေသခံတစ်ဦးက “ကြားတာကတော့နှစ်ကြိမ် ပေါက်ကွဲသံကြားတယ်။ ရွာအဝင်က ကျောင်းအနီးမှာပဲ။ အစက တော်တော်ကျယ်တယ်၊ အစက စမ်းတာလို့ ထင်တာ၊ ကျောင်းတက်နေတဲ့သူတချို့နဲ့ ဆရာဆရာမ တချို့ကို သတိပေးတဲ့အနေနဲ့ ဖောက်ခဲ့တာဖြစ်မယ်၊ ဒီကျောင်းမှာ ကျောင်းတက်နေတဲ့ ကလေးကတော့ ၃၀ လောက်အထိရှိတယ်၊ အ ပျက်အစီးကတော့ မရှိပါဘူး” လို့ ပြောပါတယ်။
ကမ်းဖြူကျေးရွာ အထက ကျောင်းမှာ ဆရာ/ဆရာမ ၂၆ ဦးရှိတဲ့အနက် ၆ ဦး ကျောင်းတက်နေပြီး ကျောင်းသား ၃၆၀ ရှိတဲ့အထဲ ၃၀လောက် တက်ရောက်နေတယ်လို့ သိရပါတယ်။
ရေစကြိုမြို့နယ်မှာ အထက ကျောင်း ၁၇ ကျောာင်း၊ အထကခွဲ ကျောင်း ၂၂ ကျောင်း၊ အလက ကျောင်း၂၇ကျောင်း၊ အလကခွဲကျောင်း ၁၇ ကျောင်း၊ မူလွန်ကျောင်း ၃၁ကျောင်း၊ အမကကျောင်း ၈၂ ကျောင်း စုစုပေါင်း ၁၉၆ ကျောင်းရှိပြီး ကျောင်းအများစုကတော့ တက်ရောက်သူမရှိလို့ ကျောင်းပိတ်ထားရတဲ့အခြေအနေဖြစ်နေတယ်လို့ စုံစမ်းသိရှိရပါတယ်။
ကျောင်းအနည်းငယ်သာ ဖွင့်လှစ်နိုင်ပြီး တမြို့နယ်လုံးအတိုင်းအတာနဲ့ ကျောင်းတက်ရောက်သူ ၁ ရာနှုန်းမပြည့်ဘူးလို့ သိရပါတယ်။
