ပရီးမီးယားလိဂ်ကလပ်အသင်းတွေရဲ့ မန်နေဂျာအစည်းအဝေးတွေဟာ အချိန်ဖြုန်းခြင်းသာဖြစ်ပြီး အဖြေထွက်မလာဘူးလို့ စပါးနည်းပြကွန်တီက ပြောပါတယ်။
ပရီးမီးယားလိဂ် ကလပ်အသင်းတွေနဲ့ ပြိုင်ပွဲတာဝန်ရှိသူတွေဟာ ပွဲစဉ်ဇယားနဲ့ပတ်သက်ပြီး အစည်းအဝေးတွေလုပ်နေပေမဲ့ ရလဒ်မထွက်ကြောင်း ဝေဖန်ခဲ့တာပါ။
တချို့ ပရီးမီးယားလိဂ်ပွဲစဉ်တွေကို ကိုဗစ်ကူးစက်မှုတွေကြောင့် ရွှေ့ဆိုင်းတာ မျိုးရှိပေမဲ့ ပွဲကျပ်တွေ ဆက်တိုက်ကစားရမယ့်အသင်းတွေလည်း ရှိပါတယ်။
မန်စီးတီးနည်းပြ ဂွါဒီယိုလာကလည်း ကွန်တီရဲ့ သဘောထားနဲ့တူညီပြီး အစည်းအဝေးကိုတောင် တက်ရောက်မှာမဟုတ်ဘူးလို့ ပြောဖူးပါတယ်။
ပရီးမီးယားလိဂ်မန်နေဂျာ အစည်းအဝေးကို ဒီဇင်ဘာ ၂၃ ရက်မှာ ပြုလုပ်ခဲ့ပေမဲ့ ကလပ်အသင်း အများစုရဲ့သဘောထားကို မလိုက်လျောခဲ့ဘဲ ပွဲစဉ် ၃ ပွဲကို ၂ ရက်စီသာခြားပြီး ယှဉ်ပြိုင်သွားရမှာ ဖြစ်ပါတယ်။
