ထိုင်း-မြန်မာနယ်စပ် တာ့ခ်ခရိုင် တာ့ခ်မြို့နယ်ထဲမှာ ဒီကနေ့မနက် ၈ နာရီလောက်က မိုးသည်းထန်စွာရွာသွန်းမှုကြောင့် အမှတ် ၁၁၇၅ လမ်းမကြီးပေါ်မှာ ကားလမ်းကွဲအက်ကျွံကျမှု ဖြစ်ပွားခဲ့ပါတယ်။
အဆိုပါနေရာဟာ ဟွေ့ဆုမ့်ဘွယ် နဲ့ စေတီယုတ်ထဟတ်ကျေးရွာကြားရှိ မိုင်တိုင်အမှတ် (၅၅+ ၃၀၀) မှာ ဖြစ်ပွားခဲ့ပြီး တောင်စောင်းနားဖောက်ထားတဲ့ ကားလမ်းပြတ်ထွက်ကာ ချောက်ထဲကို ကျွံကျသွားခဲ့တာပါ။
တာဝန်ရှိသူတွေက အဲဒီနေရာတဝိုက် ဖြတ်သန်းသွားလာခွင့်ယာယီပိတ်ထားလိုက်ပြီး အန္တရာယ်ရှိ သတိပေးဆိုင်းဘုတ်ထောင်ထားလိုက်သလို လောလောဆယ် အဆိုပါလမ်းအစား မဲ့လ မော့နဲ့ တာ့ခ်မြို့နယ်ကြားရှိ အမှတ် ၁၂ လမ်းကို အသုံးပြုဖို့ ကြေညာထားပါတယ်။
ကိုးကား - AEC อาเซียน News
