close

ကုန်ဈေးတန်းလမ်း

close

May 16, 2021

ကုန်ဈေးတန်းလမ်း မီးလောင်မှု Level 3 အဆင့် မီးငြှိမ်းသတ်ခဲ့ရ

ရန်ကုန်မြို့လယ် ကုန်ဈေးတန်းလမ်း (အလယ်ဘလောက်)မှာ မီးလောင်မှုဖြစ်ပွားရာမှာ Level 3 အဆင့်နဲ့ မီးငြှိမ်းသတ်ခဲ့ရပါတယ်။ 

ဒီနေ့မနက် ၁၁ နာရီခွဲလာက်က ရန်ကုန်တိုင်း ပန်းဘဲတန်းမြို့နယ်၊ (၄) ရပ်ကွက်၊ ကုန်ဈေးတန်းလမ်း(အလယ်ဘလောက်)မှာ မီးလောင်မှု ဖြစ်ပွားခဲ့ပါတယ်။

မီးလောင်ရာကို ကျောက်တံတားမြို့နယ်မီးသတ်စခန်းက မီးသတ်ယာဉ်အုပ်စုတွေ ထွက်ခွာ ငြှိမ်းသတ်ခဲ့ကြပါတယ်။ 

မွန်းတည့် ၁၁ နာရီ မိနစ် ၅၀လောက်မှာတော့  Level 2 ယာဉ်အုပ်စုတွေ ထွက်ခွာပြီး ၁၂ နာရီ ၁၅ မိနစ်မှာ  Level 3 ယာဉ်အုပ်စုတွေ ထွက်ခွာမီးငြိမ်းသတ်ခဲ့ကြရာမှာ ၁၂နာရီခွဲလောက်မှာ  မီးထိန်းနိုင်ကာ ၁၂ နာရီ ၅၂ မိနစ်မှာတော့ မီးငြိမ်းသွားကြောင်း မီးသတ်တပ်ဖွဲ့က ထုတ်ပြန်ပါတယ်။ 

မီးသတ်တပ်ဖွဲ့က မီးလောင်မှု မြင်ကွင်းဗွီဒီယိုမှာတော့ သုံးထပ်တိုက်အဆောက်အအုံ ပထမထပ်နဲ့ ဒုတိယထပ်တစ်ခုလုံး မီးလောင်ကျွမ်းနေတာ တွေ့ရပါတယ်။

5 mins Ago

June 11, 2020

ရန်ကုန် ကုန်ဈေးတန်းလမ်း အလယ်ဘလောက်တွင် တိုက်ပြိုကျ

ရန်ကုန်တိုင်းဒေသကြီး၊ ပန်းဘဲတန်းမြို့နယ်၊ ကုန်ဈေးတန်းလမ်း(အလယ်ဘလောက်)မှာ ဒီကနေ့ ဇွန်လ ၁၁ ရက် မွန်းလွဲ ၃ နာရီလောက်က တိုက်ပြိုမှုဖြစ်ပွားခဲ့ပါတယ်။ တိုက်ပြိုကျတဲ့နေရာကို ကျောက်တံတားမြို့နယ်မီးသတ်စခန်းမှ ကယ်ဆယ်ရေးယာဉ် တစ စီးသွားရောက် ရှာဖွေကယ်ဆယ်ရေးလုပ်ငန်းတွေ ဆောင်ရွက်ခဲ့ပြီး လူထိခိုက်ဒဏ်ရာရတာ မရှိဘူးလို့ မီးသတ်တပ်ဖွဲ့က သတင်းထုတ်ပြန်ထားပါတယ်။  ပန်းပဲတန်းမြို့နယ်မှာ   ဇွန်လ ၂ ရက်နေ့ ညနေပိုင်းကလည်း   မဟာဗန္ဓုလလမ်း၊ ၂၇ လမ်းနဲ့ လမ်း ၃၀ ကြားက ၃ ခန်းတွဲ  ၂ ထပ်တိုက် တစ်လုံးရဲ့ နောက်ဘက်ခြမ်းပြိုကျခဲ့ပါတယ်။   ဇွန်လ ၁ ရက် ညနေကလည်း အင်းစိန်မြို့နယ်၊ ပိန္နဲကုန်းရပ်ကွက်၊ ဗောဓိလမ်းက နှစ် ၈၀ လောက် သက်တမ်းရှိတဲ့ ၂ ထပ်တိုက်တလုံး ပြိုကျခဲ့ သလို စမ်းချောင်းမြို့နယ်၊ နန္ဒဝန်လမ်းမှာလည်း မေ ၃၀ ရက် ညပိုင်းက ၄ ထပ်တိုက်တလုံးရဲ့ မျက်နှာစာပြိုကျခဲ့ပါသေးတယ်။ ဒါ့အပြင် မေ ၂၁ ရက် မနက် အစောပိုင်းကလည်း တာမွေမြို့နယ်၊ အရိုးကုန်းရပ်ကွက်၊ ဦးလွန်းလမ်းမှာ ၄ ထပ်တိုက်တလုံးပြိုကျခဲ့ပြီး လူတချို့ ဒဏ်ရာရခဲ့ပါတယ်။
11 months Ago
Up