ပီရူးနိုင်ငံအလယ်ပိုင်းနဲ့ တောင်ပိုင်းဒေသတွေမှာ အေးခဲနေတဲ့ ရာသီဥတုကြောင့် ပြီးခဲ့တဲ့ သီတင်းပတ်တွေအတွင်း အယ်လ်ပါကာ ကုလားအုတ်အကောင် ၅၀၀ ထက်မနည်း သေဆုံးခဲ့တယ်လို့ ဒေသတွင်းအဖွဲ့ချုပ်တွေက ပြောပါတယ်။
တိရစ္ဆာန်တွေဟာ အေးခဲနေတဲ့ မြက်ခင်းပြင်တွေမှာ အစာရေစာငတ်ပြတ် သေဆုံးခဲ့ကြတာပါ။
ပီရူးတောင်ပိုင်းဟာ ပင်လယ်ရေမျက်နှာပြင်အထက် ပေ ၁၂,၀၀၀ ကျော်အမြင့်မှာရှိပြီး မကြာသေးမီလတွေအတွင်း မုန်တိုင်းဒဏ်သင့်ခဲ့တဲ့ဒေသမှာ အအေးဒဏ်ကြောင့် အယ်လ်ပါကာ ကုလားအုတ်တွေ အများအပြား သေဆုံးခဲ့ပါတယ်။
ထိခိုက်ခံစားရသူတွေက ဒေသတွင်းနဲ့ အမျိုးသားအာဏာပိုင်တွေ ကြားဝင်ဆောင်ရွက်ပေးဖို့နဲ့ ပီရူးနိုင်ငံ အန်ဒရီယံဒေသမှာ အရေးပေါ်အခြေအနေ ကြေညာဖို့ တောင်းဆိုခဲ့ပါတယ်။
၂၀၂၂ ခုနှစ်မှာ သေဆုံးခဲ့တဲ့ တိရစ္ဆာန်ကောင်ရေ ၂၅,၀၀၀ လောက်ရှိတယ်လို့ ခန့်မှန်းထားတဲ့အကြောင်း အယ်လ်ပါကေးရပ်စ် ဝူးမဲန်း ဒေသန္တရအဖွဲ့ချုပ်က ပြောပါတယ်။
